Erlan Jamantaev Qazaqstan fýtbol lıgasynyń (QFL) prezıdenti bolyp saılandy.

Atalǵan sheshim Lıga músheleriniń syrttaı otyrysynda qabyldandy. Daýys berýshilerdiń kópshiligi 50 jastaǵy Erlan Jamantaevtyń kandıdatýrasyn maquldady. Erlan Jamantaev buryn kásibı fýtbolmen aınalysyp, "Ushqyn-Iskra" atty jekemenshik klýbtyń jetekshisi, bas bapkeri boldy. Túrli jyldary jaǵajaı fýtbolynan Qazaqstan ulttyq quramasyn tizgindep, Qazaqstan fýtbol federasıasynyń buqaralyq, áıelder fýtboly jáne fýtzal departamentin basqardy. Jamantaev 2021-2023 jyldary "Aqtóbe" fýtbol klýbynyń basqarma tóraǵasy qyzmetin atqaryp, Qazaqstan chempıonatynyń kúmis júldesin jeńip aldy. Osyǵan deıin 2024 jyly Birinshi lıganyń bes dúrkin jeńimpazy atanǵan "Oqjetpes" FK dırektory boldy. Sondaı-aq, ol "Jeke fýtbol mektepteri men akademıalarynyń respýblıkalyq lıgasy" qaýymdastyǵynyń bas hatshysy mindetin atqarady.