6 maýsym kúni Qazaqstan men Ulybrıtanıa arasynda 2025–2026 jyldarǵa arnalǵan áskerı yntymaqtastyq jospary bekitildi. Bul kelisim kópshilikke jarıa etilgenimen, Reseılik telejúrgizýshi Tına Kandelakı bul jańalyqqa kúmánmen qarap, Qazaqstan bıligin aqparatty ádeıi jasyrdy dep aıyptady.
Kandelakı Telegram-arnasynda:
«Jańalyqty eshkim baıqamasyn deseń, ony juma kúni keshke jarıala. Birinshiden, báriniń oıy demalysta, ekinshiden — dúısenbige deıin umytylyp ketýi múmkin, ásirese demalys kúnderi qyzyqty birdeńe bolyp jatsa» dep jazdy Kandelakı.
Onyń aıtýynsha, bul kelisimdi halyqtyń nazarynan tys qaldyrý úshin bılik jeksenbi kúni Qorǵanys mınıstrin qyzmetinen bosatý týraly jarlyq jarıalaǵan.
Sondaı-aq Kandelakı:
«Aıta keteıik, Qazaqstan — UQSHU-nyń múshesi. Al bul áskerı uıym 2021 jyldyń qańtarynda Toqaev myrzany jáne onyń aınalasyndaǵy adamdardy áskerı tóńkeristen aman alyp qalǵan edi. Vengrıa nemese Slovakıa Eýroodaq saıasatyna qanshalyqty narazy bolsa da Reseımen áskerı kelisim jasaspaıtyny túsinikti. Al Reseımen dostyǵyn jıi aıtyp júrgen Qazaqstan Ulybrıtanıamen yntymaqtastyq ornatyp otyr» dep jazdy Kandelakı.
Ol Qazaqstannyń áreketin Vengrıa nemese Slovakıanyń Reseıge kózqarasymen salystyryp, bul elder Eýroodaqtan renjise de, Máskeýmen áskerı kelisimge barmaıtynyn mysal etti.
Kandelakıdiń eń ótkir sózi:
"Bári osylaı bastaǵan. Sońynda qınalyp qalǵan. Biraq Qazaqstanda tarıh oqylmaıdy-aý deımin. Bálkim, jaı ǵana oıdan shyǵarylady»"
Aıta keteıik, Tına Kandelakı buǵan deıin de Qazaqstandaǵy orys tiliniń shettetilýi týraly synı pikir bildirgen. Ol birneshe temirjol beketteriniń qazaqshalanýyna qarsy shyqqan bolatyn.
Osyǵan jaýap retinde satıralyq Qaznews24 paraqshasy «Eı, Ioý, Orystar» ánin qoıyp post jarıalaǵan edi. Paraqsha avtory Temirlan Eńsebekke 17 qańtarda ultaralyq arazdyq qozdyrdy degen aıyp taǵylǵan.
