Jambyl oblysy boıynsha Ekologıa departamentiniń basshysy sottaldy.
Taraz sotymen Jambyl oblysy boıynsha ekologıa departamentiniń basshysy T.Smaǵulov, "Taraz metalýrgıa zaýyty" JSHS Bas dırektorynyń orynbasary B.Polatbekov jáne osy kásiporynnyń ekology M. Asan sottaldy.
"Smaǵulov para alǵany úshin, al zaýyt ókilderi ekologıalyq zańnamanyń saqtalýyn tekserý kezinde buzýshylyqtardy joıýǵa múmkindik bergeni, jalpy qamqorlyǵy jáne para bergeni úshin kináli dep tanyldy.
Smaǵulov, Polatbekov jáne Asan jalpy somasy 24 mln teńge aıyppul salýǵa sottaldy", - delingen habarlamada.
Budan basqa, olar memlekettik qyzmette jáne kvazımemlekettik sektor sýbektilerinde laýazymdardy atqarý quqyǵynan ómir boıy aıyrylady.
