Quqyq qorǵaý organdary Hasan Kasymbaevqa qatysty tergeý jumystaryn aıaqtady.
Bul aqparatty Almaty oblystyq Polısıa departamenti rastady. Qazirgi ýaqytta is materıaldary taraptarǵa tanysý úshin usynylǵan.
"Tanysý prosesi aıaqtalǵannan keıin is aıyptalýshylardy sotqa berý máselesin sheshý úshin prokýratýraǵa joldanatyn bolady", – dep habarlady Almaty oblystyq polısıa departamentiniń baspasóz qyzmeti.
Eskertý: buǵan deıin polısıa departamenti istiń sotqa jiberilgeni týraly habarlaǵan bolatyn, alaıda keıinirek is materıaldary taraptardyń tanysý satysynda ekeni naqtylandy. Mátin istiń ózekti mártebesine sáıkes jańartylyp, taqyryp ózgertildi.
Aıta keteıik, buǵan deıin Hasan Qasymbaev 2021 jyly erejesiz jekpe-jek jattyqtyrýshysyn urlap, soqqyǵa jyqty degen kúdikke ilingeni habarlandy.
Hasan Qasymbaev 2024 jyly 2 qarashada ustaldy. Keıin eki aıǵa qamaýǵa alyndy.
Eske salaıyq, buǵan deıin el arasynda Talǵardaǵy tóbeleste qaza tapqan Sherzat Bolattyń óliminen keıin kúdiktilerdiń "Hýtor" qylmystyq tobyna qatysy bar ekeni jáne atalmysh toptyń basynda Hasan Qasymbaev esimdi azamat tur degen áńgime taraǵan bolatyn. Jelide Hasanmen túsken ánshilerdiń sýretteri tarap, kópshilik olardy synǵa alǵan edi.
