Qazaqstandyqtardyń jeke derekterin satýmen aınalysqan qylmystyq toptyń joly kesildi

İshki ister mınıstrliginiń Kıberqylmyspen kúres departamenti Ulttyq qaýipsizdik komıtetimen birlesip, azamattardyń jeke málimetterin ınternette zańsyz satýmen aınalysqan qylmystyq topty áshkerelep, onyń qyzmetin toqtatty.

Mınıstrlik ókilderiniń aıtýynsha, bul aqparattar memlekettik derekter bazasynan zańsyz alynǵan jáne Telegram messendjeri arqyly taratylǵan. Málimetter keıbir kolektorlyq kompanıalarǵa da berilgen.

Nátıjesinde:

• 140-tan astam adam ustaldy, onyń ishinde kompanıa basshylary men Telegram arna ákimshileri bar;

• 5 kúdikti qamaýǵa alyndy;

• 400-den astam kompúter men elektrondy qurylǵylar tárkilendi.

Qazirgi tańda qylmystyq kodekstiń birneshe baby boıynsha tergeý júrip jatyr:

• 205-bap (aqparattyq júıege zańsyz qol jetkizý),

• 147-bap (jeke ómirge qol suǵý, jeke derekter zańnamasyn buzý),

• 211-bap (shekteýli elektrondyq aqparattardy zańsyz taratý).

Kıberqylmyspen kúres departamentiniń bastyǵy Jandos Súıinbaıdyń málimdeýinshe, qylmysqa qatysy bar barlyq tulǵalar anyqtalyp jatyr.

İshki ister mınıstrligi azamattardyń jeke derekterin qorǵaý jáne sıfrlyq qaýipsizdikti qamtamasyz etý baǵytynda júıeli jumystardy jalǵastyrýda.