Qazaqstan geologıalyq barlaý jumystaryn aýqymdy júrgizýde – tek 2025 jyldyń I toqsanynda mys, nıkel, kómir, altyn jáne sırek jer metaldarynyń boljamdy resýrstary bar 38 perspektıvaly ýchaske anyqtaldy.
Qazaqstan Prezıdentiniń tapsyrmasyna sáıkes, 2026 jylǵa qaraı elimiz aýmaǵynyń geologıalyq-geofızıkalyq zerttelýi 2,2 mln sharshy shaqyrymǵa jetýi tıis.
2024 jyly qamtý 2 014,4 myń sharshy shaqyrymdy qurady jáne jumystar belsendi qarqynmen jalǵasýda.
2025 jyldyń birinshi toqsanynda aýqymdy zertteýler:
- aerotúsirilimderdi deshıfrleý,
- marshrýttyq túsirilim,
- burǵylaý,
- sý jáne radıasıa synamalaryn taldaý,
- geohımıalyq jáne kameraldyq zertteýler júrgizildi.
Nátıjesinde paıdaly qazbalarynyń áleýeti joǵary 38 ýchaske anyqtaldy. Boljamdy resýrstar qatarynda:
- 2,6 mln tonna sırek jer metaldary,
- 1,1 mlrd tonna qońyr kómir,
- 3,7 mln tonna mys jáne nıkel,
- 19 tonna altyn bar.
2024-2026 jyldary geologıalyq barlaý jumystaryna 22,83 mlrd teńge bólindi, onyń ishinde 2025 jyly 7,636 mlrd teńge ıgeriledi. 1:200 000 masshtabtaǵy: 14 tereń geokartalaý, 9 mıneragendik jáne 19 gıdrogeologıalyq jete zertteý obektileri boıynsha óńirlik jobalar jalǵasýda.
Jeke ınvestısıalar mańyzdy ról atqarady.
"2018 jyldan 2024 jylǵa deıin geologıalyq barlaýǵa 424 mlrd teńge salyndy, 2025 jyly 106 mlrd teńgege deıin ósedi dep kútilýde",- delingen aqparatta.
Jumys kólemi boıynsha mindettemelersiz, biraq mindetti eseptilikpen jer qoınaýyn zertteýge arnalǵan jeńildetilgen lısenzıa naryqty ınvestorlar úshin qoljetimdi etedi.
