Toqaev sý salasy qyzmetkerleriniń jalaqysyn arttyrýǵa baǵyttalǵan "Tabıǵı monopolıalar týraly" zańǵa ózgerister engizý týraly zańǵa qol qoıdy. Túzetýlerdi Sý resýrstary jáne ırrıgasıa mınıstrligi ázirledi.
Mınıstrliktiń málimetinshe, bul ózgerister sýmen jabdyqtaý jáne sý burý qyzmetterin kórsetetin 25 myńnan astam mamannyń eńbekaqysyn kóterýge múmkindik beredi. Jalaqy mólsheri óńirge jáne statısıkalyq kórsetkishterge qaraı orta eseppen 35–50%-ǵa ósedi. Bul jylý jáne elektr energetıkasy salasyndaǵy mamandardyń jalaqy deńgeıine sáıkestendiriledi.
Nurjan Nurjigitov, Sý resýrstary jáne ırrıgasıa mınıstri:
"Bul shara sý salasyndaǵy kadr turaqsyzdyǵyn azaıtyp, bilikti mamandardy tartýǵa múmkindik beredi. Sý sharýashylyǵy – el úshin strategıalyq mańyzy bar sala."
Ortasha jalaqy (statısıkalyq derekter boıynsha):
-
Jylý jáne elektr energetıkasy salasy — 330 myń teńge
-
Sý sharýashylyǵy salasy — 231 myń teńge
Zańǵa engizilgen ózgerister 2025 jylǵy 1 qyrkúıekten bastap kúshine enedi.
Mınıstrlik byltyr "Qazsýshar" RMK qyzmetkerleriniń jalaqysyn orta eseppen 25%-ǵa arttyrǵanyn da atap ótti.
