Sybaılas jemqorlyqqa qarsy qyzmet Týrızm jáne sport mınıstrligimen birlesip ótken jyly sportty qarjylandyrý salasyndaǵy sybaılas jemqorlyq táýekelderine syrtqy taldaý júrgizdi.

Taldaý nátıjeleri sport salasynda júıeli sybaılas jemqorlyq táýekelderiniń bar ekenin kórsetti. Klýbtar ınfraqurylymdy damytý ornyna qarajatty jalaqyǵa, legıonerlerge jáne oqý-jattyǵý jıyndaryna negizsiz jumsaǵan.

Osyǵan baılanysty 50-den astam usynym ázirlenip, 2024–2025 jyldary salalyq erejelerge ózgerister engizildi. Endi fýtbol klýbtaryna memleketten qarjylandyrý alý úshin jastar komandalary men ınfraqurylymnyń bolýy talap etiledi. Oqý-jattyǵý jıyndaryna lımıt qoıylyp, baqylaý kúsheıtildi.

«Dene shynyqtyrý jáne sport týraly» Zańǵa engizilgen ózgerister boıynsha kásibı klýbtardy ustaýǵa bólinetin búdjetke shekteý belgilenip, sheteldik sportshylardy qarjylandyrýǵa tyıym salyndy.

Nátıjesinde 1,3 mlrd teńge búdjetke qaıtarylyp, 11 sport nysany memleket menshigine ótti. Qarjylandyrý 6,7 mlrd teńgege qysqartyldy. Bul sharalar otandyq sportty damytýǵa baǵyttalǵan.