Zańger Jangeldi Súleımenov óziniń Feısbýktegi paraqshasynda qazaq álipbıin latınısaǵa kóshirý máselesine qaıta oralýdy usyndy. Bul týraly «Qamshy» portaly habarlaıdy.

J. Súleımenovtiń oıynsha búginde qazaq tilin oqyp, úırenýde aıtarlyqtaı nátıje baıqalyp otyrǵan joq. Bul eldiń damýyna kedergi keltirýde. «Sebebi, qoǵam qazaq tilin biletin jáne bilmeıtin eki úlken topqa bólinip qalǵan. Sondyqtan, olardyń arasynda belgili-bir deńgeıde bir-birin túsinbeýshilik bar» deı kele zańger qazaq tilin oqytýǵa búgingi qoldanylyp júrgen kırıll álipbıi kedergi keltirip otyrǵandyǵyn aıtady.

«Meniń oıymsha, qazaq tilin oqytý men úırenýdegi qıyndyqtardyń bir sebebi – kırıll alfavıtine negizdelgen qazaq álippesi. Bizge latyn álipbıine kóshý kerek. Sonda bizdiń álipbıde bar-joǵy 29 árip bolady. Bul til úırenýdi áldeqaıda jeńildetedi. Latyndy engize otyryp gramatıkalyq reformany da qatar júrgizý kerek» deıdi zańger.

Osydan 9 jyl buryn Prezıdent N. Nazarbaev latyn álipbıine kóshý máselesine oralý kerek degen bolatyn. Prezıdent bir jarym jyl ýaqyt ishinde mamandar máseleni muqıat zerttep, naqty usynys aıtý kerek degen Elbasy sózi keıin umytylyp ketken edi.

Zańger J. Súleımenov «Latyn álipbıine qazaq tilin meńgergender ońaı aýysa alady, al, qazaqsha bilmeıtinderge bul tipti ońaıǵa soǵady» degen pikirde.

1929-1940 jyldar aralyǵynda Qazaqstanda latyn álipbıi qoldanylǵanyn esterińizge salamyz.