Reseı Federasıasy Memlekettik Dýmasynyń TMD isteri, eýrazıalyq ıntegrasıa jáne otandastarmen baılanys jónindegi komıtetiniń tóraǵasy Leonıd Slýskıı Eýrazıalyq ekonomıkalyq odaq elderine arnalǵan birińǵaı esep aırysý quralyn ázirleý boıynsha jumys belgili-bir qıyndyqtarǵa qaramastan júrgizilip jatqanyn málimdedi. Bul týraly «Qamshy» portaly «RIA Novostıge» silteme jasap habarlaıdy.
Buǵan deıin Reseı men Qazaqstan 2025 jylǵa deıin ortaq valúta týraly másele qarastyrylmaıtynyn málimdegen edi. Qarasha aıynyń basynda Armenıa Ortalyq bankiniń basshysy Artýr Djavadán da EAEO valbtasy týraly áńgimege áli erte ekenin aıtqan bolatyn.
Alaıda, Reseıdiń Birinshi arnasyndaǵy «Pozner» baǵdarlamasyna qatysqan L. Slýskıı:
«Jaqynda bizde ortaq esep aıyrysý quraly bolady. Qazir odaqqa múshe ortalyq bankter osy másele boıynsha jumys isteýde. Bul biz oılaǵannan qıyn jumys eken. Daǵdarys faktory da ról oınaýda. Biraq jumys júrip jatyr» degen ol Vladımır Poznerdiń ortaq valúta qalaı atalýy múmkin degen suraǵyna: «Kóremiz. Bálkim «Nvraz» atalar. Muny biz áli aqyldasamyz» dep jaýap berdi.
