مەملەكەت باسشىسى نۇرسۇلتان نازاربايەۆ العىس ايتۋ كۇنىنىڭ ماڭىزىن ءتۇسىندىرىپ بەردى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.

"(...) ءبىر كۇنى بارلىعىمىزدىڭ دا ءتۇرىمىز، شاشىمىزدىڭ ءتۇسى، كوزىمىزدىڭ ءتۇسى بىردەي بولىپ شىعا كەلسە شە؟ كەرەمەت قوي ءيا؟ ءبىز بارلىعىمىز بىر-بىرىمىزگە قاتتى ۇقسايمىز. ادامنىڭ اتى ادام، ول تاڭنان تۇسكە دەيىن قاسىندا وتىرعان ادامنىڭ ايتەۋىر ءبىر كەمشىلىگىن تابادى: دۇرىس وتىرمادى، جوتەلدى، قاسىقتى باسقا قولمەن ۇستادى دەگەندەي. بۇل ادامعا ءتان قاسيەت. ال تولەرانتتىلىق ادامنىڭ قانداي بولۋىنا قاراماستان، وعان قۇرمەتپەن قاراۋدى بىلدىرەدى. تۇسىنەسىزدەر مە؟ ەگەر سەن ادامنىڭ كەمشىلىكتەرىن جاقسى كورمەسەڭ، ونى شىن جۇرەكتەن جاقسى كۇرۋ مۇمكىن ەمەس دەيدى. ءبىز سول كەمشىلىكتەردى جاقىس كورمەيمىز عوي"، - دەدى پرەزيدەنت. 

"تولەرانتتىلىق دەگەنىمىز - ەگەر تۇسكە قاراي ادامنىڭ كەمشىلىكتەرىن كورسەڭ، ونى جاريا ەتپەۋدى، سىناماۋدى، تاجىكەلەسپەۋدى بىلدىرەدى. ونى ءتۇسىن، قانداي بولسا دا قۇرمەتتە. ۇندەمەي قال. تۇسىنەسىزدەر مە، ەرلىك دەگەنىمىز قىلىش الىپ، جاۋعا اتتانۋ نەمەسە بىرەۋدى پىشاقتاۋ ەمەس. ەرلىك دەگەنىمىز ايتقىڭ كەلگەندى ىشتە قالدىرۋ. مىنە، بۇل ناعىز ەرلىك. ەگەر وسىنداي ەرلىك بولسا وتباسىلاردا تىنىشتىق ورنايتىن ەدى، جاستار ۇيلەنە سالىپ اجىراسپايتىن ەدى، ءبىر-بىرىن تۇسىنەر ەدى. ادام قانداي بولسا دا تۇسىنىستىكپەن قاراۋ، ءبىر-بىرىن جاقسارتۋعا تىرىسۋ، سىناماۋ. تولەرانتتىلىقتى قاراپايىم تىلمەن وسىلاي تۇسىندىرۋگە بولار ەدى. ءبىز بارلىعىمىز، قازاقستاندىقتار نەگىزىندە 75 پايىزعا تولەرانتتىمىز، ال قالعان 25 پايىزىن ءبىز تاربيەلەپ جاتىرمىز،" - دەدى نازاربايەۆ.

قازاقستاندىقتار بۇگىن، 1 ناۋرىزدا تاريحتا تۇڭعىش رەت العىس ايتۋ كۇنىن تويلاپ جاتىر. ول بۇل مەرەكەنىڭ قازاقستان قوعامىنداعى سەنىم مەن دوستىقتى نىعايتا تۇسەتىنىنە سەنىمدى. نازاربايەۆ كوپ ەلدە قاقتىعىستاردىڭ بولىپ جاتقانىن، سوندىقتان ءقازىر ادامداردىڭ بىر-بىرىنە قولداۋى ءۇشىن العىس ايتۋى قۇندى ەكەنىن مالىمدەدى.