وڭتۇستىك قازاقستان وبلىسىندا تاعى دا شۋ شىقتى، - دەپ حابارلايدى «قامشى» پورتالى.

بۇل جولى وبلىستىق كلينيكالىق اۋرۋحانانىڭ باس دارىگەرى مۇقان ەگىزبايەۆ ناۋقاستاردىڭ تۋىستارىمەن سوزگە كەلىپ، ءوز ويىن جەتكىزۋ ءۇشىن بىلاپىت سوزدەرگە جۇگىنگەن. قىزىق بولعاندا باس دارىگەردىڭ اۋزىنان اق يت كىرىپ، كوك يت شىعىپ وتىرعان ءساتى ۆيدەوعا ءتۇسىرىلىپ، الەۋمەتتىك جەلىلەر ارقىلى تاراپ كەتكەن.

ازىرگە youtube جەلىسىندە ەكى ۆيدەو جاريالاندى. وندا باس دارىگەر اۋرۋحانادا جاتقان ناۋقاستاردىڭ تۋىستارىمەن سويلەسىپ وتىرعانى، اڭگىمە بارىسىندا اشۋعا بەرىلىپ، ءوتىنىش جاساپ كەلگەن ايەلدەردى بوقتاعانى تۇسىرىلگەن.

جانساقتاۋ بولىمىندە جاتقان ناۋقاستىڭ تۋىستارى دارىگەردەن ناۋقاستىڭ جاعدايىن سۇراپ، بارىنشا كومەكتەسۋىن سۇرايدى.

وعان دارىگەر: «قولدا بار كومەكتى جاساپ جاتىرمىز. ازىرگە جاعداي اۋىر»، - دەپ جاۋاپ بەرەدى. وعان قاناعاتتانباعان ناۋقاستىڭ تۋىستارى: «وسىنداي اۋىر حالگە تۇسىرگەن ادامدار تالتاڭداپ جۇرە بەرە مە؟» دەپ دۇرسە قويا بەرەدى. بۇل ءسوز باس دارىگەردىڭ شامىنا ءتيىپ كەتىپ، ول ايقايعا باسادى.

ەسكەرتۋ: ۆيدەودا بىلاپىت سوزدەر ايتىلادى!

ءبىرقاتار اقپارات قۇرالدارى ءماسليحات دەپۋتاتتىعىنا كانديدات بولىپ سايلاۋعا ءتۇسىپ جاتقانىنىن جازۋدا.

وبلىستىق دەنساۋلىقساقتاۋ باسقارماسى ازىرگە م. ەگىزبايەۆتىڭ بۇل ارەكەتى تۋرالى رەسمي اقپارات تاراتقان جوق.