بايان ماقسات قىزى ءوزىن ولتىرمەك بولدى دەپ ايىپتالىپ وتىرعان بۇرىنعى كۇيەۋى باقىتبەك ەسەنتايەۆتى تولىقتاي كەشىردى. بۇل تۋرالى تالدىقورعاندا وتكەن سوت وتىرىسىنان كەيىن بەرگەن سۇحباتىندا باياننىڭ قورعاۋشىسى مارات اسقاربەكوۆ ءمالىم ەتتى، - دەپ حابارلايدى Qamshy.kz قازاقپاراتقا سايتىنا سىلتەمە جاساپ.

ايتا كەتەيىك، ادۆوكات مارات اسقاربەكوۆ - باقىتبەك ەسەنتايەۆتىڭ تۋعان باجاسى، ياعني باياننىڭ اپكەسى باتەستىڭ جۇبايى، تانىمال اكتريسا، ءانشى اشا ماتايدىڭ اكەسى.

ەستەرىڭىزگە سالساق، الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا باقىتبەك ەسەنتايەۆقا قاتىستى سوت پروسەسى كەشە، 18 قازان كۇنى باستالىپ، بۇگىن جالعاسىن تاپتى. ءىستى قاراۋ جابىق رەجىمدە ءوتىپ جاتىر. ونى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءتوراعاسى ءبايجۇنىسوۆ بەرىكجان ابەن ۇلى جۇرگىزۋدە.

ب.ەسەنتايەۆقا ق ر قك-نىڭ 24-بابى 3ء-بولىمى، 99-بابىنىڭ 2ء-بولىمى 10-تارماعى (زورلاۋمەن نەمەسە سەكسۋالدىق سيپاتتاعى زورلىق-زومبىلىق ارەكەتتەرiمەن ۇشتاسقان ادام ءولتiرۋگە وقتالۋ) 120-بابىنىڭ 1ء-بولىمى (زورلاۋ) 121-بابىنىڭ 1ء-بولىمى (سەكسۋالدىق سيپاتتاعى زورلىق-زومبىلىق ارەكەتتەرى) بويىنشا ايىپ تاعىلعان.

بەلگىلى پروديۋسەر، ەكى بالانىڭ اناسى بايان ماقسات قىزى ماۋسىمنىڭ 10 كۇنى بىرنەشە جەردەن پىشاقتالىپ، اۋىر جاراقاتپەن تالعار اۋدانىنداعى اۋرۋحاناعا تۇسكەن بولاتىن. ونى ولتىرمەك بولدى دەگەن كۇدىكپەن ءوزىنىڭ كۇيەۋى باقىتبەك ەسەنتايەۆ ۇستالىپ، قاماۋعا الىندى. قازىرگى تاڭدا بايان بۇرىنعى تەگىنە قايتا ورالعان سىڭايلى. ول الەۋمەتتىك جەلىدەگى پاراقشالارىنا بايان ماقسات قىزى دەگەن وزگەرىس ەنگىزگەن.

بۇعان دەيىن بايان ماقسات قىزىنىڭ العاش رەت سوت وتىرىسىنا قاتىسقانى حابارلانعان بولاتىن.