سەمەيلىك نەيروحيرۋرگتەر العاش رەت ميعا وپەراسيا جاسادى،- دەپ حابارلايدى Qamshy.kz 24.kz-كە سىلتەمە جاساپ. 

بۇرىن ناۋقاستار ەمدەلۋ ءۇشىن استانا قالاسىنا نەمەسە شەتەلگە بارۋعا ءماجبۇر بولاتىن. ءقازىر تۇرعىندار ساپالى دا زاماناۋي مەديسينالىق قىزمەتكە قول جەتكىزىپ وتىر. ول ءۇشىن جەرگىلىكتى ماماندار استانا قالاسىنداعى ۇلتتىق نەيروحيرۋرگيا ورتالىعىندا ارنايى ءبىلىمىن جەتىلدىرىپ، تاجىريبە جيناقتادى. ميداعى ىسىكتى يننوۆاسيالىق جولمەن الۋعا ارنالعان وزىق قۇرال-جابدىقتار ساتىپ الىندى. جىل سوڭىنا دەيىن 50-دەن استام وپەراسيا جاساۋ كوزدەلىپ وتىر.

فاكيزات قالييەۆا، ناۋقاس:

 - مەنىڭ دياگنوزىم –گيپوفيز ادەنوماسى، ول ميداعى ىسىك. اۋرۋحاناعا جەدەل جاردەممەن ءتۇستىم. 5 كۇن بويى جانساقتاۋ بولىمىندە ەس-تۇزسىز جاتتىم. ەندى وسى جاققا شىعاردى. وسى نەيروحيرۋرگيا ءبولىمى مەنى و دۇنيەدەن الىپ شىقتى دەۋگە بولادى. مىڭ دا ءبىر راحمەت ايتام، ءبىرىنشى اللاعا، ەكىنشى وسى دارىگەرلەردىڭ ارقاسى.

التاي قۇلتۋمانوۆ، نەيروحيرۋرگيا ءبولىمىنىڭ مەڭگەرۋشىسى:  

 - جىل وتكەن سايىن ءبىزدىڭ بولىمدە يننوۆاسيالىق جاڭا تاسىلدەر كوبەيىپ كەلەدى. مۇنىڭ ءبارى مەملەكەتتىڭ قامقورلىعى ارقاسىندا جۇزەگە اسىپ وتىر. ميعا العاش رەت جاسالعان وپەراسيالارىمىز ءساتتى ءوتىپ، ناۋقاستارىمىز قۇلان تازا ايىعۋدا. بولاشاقتا دا بۇل باعىتتا تەك الدىعا قادام باسا بەرەمىز.