قازاقستاندىق رەجيسسەر نۇرتاس ادامباي Ninety one توبىن جاقتاپ سويلەدى. ول اتالعان توپقا كونسەرت وتكىزۋگە تىيىم سالعان اكىمدەردى ءاجۋالادى.

بۇل تۋرالى Qamshy.kz Stan.kz –كە سىلتەمە جاساپ حابارلايدى.

91 توبىنىڭ اينالاسىنداعى داۋ ءالى كۇنگە دەيىن تولاستار ەمەس. بۇرىن-سوڭدى جاعىمسىز پىكىرلەرمەن شەكتەلەتىن ادامدار، ەندى اتالعان توپتىڭ ونەر كورسەتۋىنە كەدەرگى جاساپ جاتىر. كۇنى كەشە 91 توبىنىڭ قىزىلوردا قالاسىنداعى كونسەرتى وتپەي قالدى. وسى جاعدايعا قاتىستى نۇرتاس ادامباي پىكىر ءبىلدىردى.

“قاراعاندى مەن جەزقازعان قالالارىنىڭ اكىمى 91 توبىنا كونسەرت وتكىزۋگە تىيىم سالعان ەكەن. مۇنىڭ ورنىنا جەمقورلىقپەن ءدال وسىلاي كۇرەسسە جاقسى بولاتىن ەدى”، – دەپ جازادى نۇرتاس ادامباي ءوزىنىڭ فەيسبۋك پاراقشاسىندا. رەجيسسەردىڭ بۇل جازباسىنا 1 000-نان استام ادام ءلۇپىل باسىپ، 100-گە جۋىق ادام پىكىر ءبىلدىردى.

“مەن Korean pop جانرىنداعى اندەردى Ninety one  توبى پايدا بولماي تۇرىپ 10 جىلدان بەرى تىڭداپ كەلەمىن. اتالعان توپتى تىڭداعاننان مەن قىزتەكە بولىپ كەتكەن جوقپىن. سۇيىكتى توبىمدى كورۋدى ءالى دە ارمانداپ ءجۇرمىن. ءبىزدىڭ دە ءوزىمىزدىڭ پوپ توبىمىز پايدا بولدى. ولاردىڭ ساپالى اۋەندەرىن جانۇيامىزبەن بىرگە وتىرىپ تىڭدايمىز”، “Ninety one توبى ءبارىبىر كۇشتى! بۇل مايدا كيكىلجىڭدەر ولاردى قايراي تۇسەدى”، “مەن دە 91 توبىن تىڭدايمىن. الماتى قالاسىندا تۇراتىنىما قۇدايعا شۇكىر!” دەيدى جەلى قولدانۋشىلارى.