ىلە اۋدانىنىڭ ىنتىماق اۋىلىنان ورىن تەپكەن «Dolce-Pharm» ج ش س قازاقستانداعى مەديسيناعا اسا قاجەتتى بۇيىمدار شىعاراتىن ىرگەلى كاسىپورىنداردىڭ بىرىنەن سانالادى. ولاي دەۋگە تولىق نەگىز بار. سەبەبى، زاۋىت جىلىنا 25 ملن. مەديسينالىق بۇيىمدار شىعارۋعا قاۋقارلى، - دەپ حابارلايدى Qamshy.kz الماتى وبلىسى اكىمدىگىنىڭ باسپا ءسوز قىزمەتىنە سىلتەمە جاساپ.

بۇل جوبانىڭ جالپى قۇنى 1 314 ملن. تەڭگە. بۇل تۋرالى الماتى وبلىسىنىڭ وڭىرلىك كوممۋنيكاسيالار قىزمەتى ىلە اۋدانىنا ۇيىمداستىرعان كوشپەلى بريفينگتە جۋرناليستەرگە زاۋىت پرەزيدەنتى راۋل يالىموۆ بايانداپ بەردى.

«Dolce» جانە «Dolce-Pharm» فارماسيەۆتيكالىق وندىرىستىك-كوممەرسيالىق كومپانيالارى 1998 جىلى بىرىككەن بولاتىن. بۇگىندە ولاردىڭ اتاعى قولعاپ، ماسكا، باحيلا جانە تاعى باسقا دا، مەديسينادا ءبىر رەت قولدانىلاتىن بۇيىمدارمەن تانىمال.

2010 جىلى ISO 9001:2008 ساپا مەنەدجمەنتى جۇيەسىنە، ال 2011 جىلى مەديسينالىق بۇيىمداردىڭ حالىقارالىق  ISO 13485 ساپاسىنا قول جەتكىزگەن كاسىپورىندا 600-گە جۋىق ادام ەڭبەك ەتەدى. زاۋىتتىڭ كوكجيەگى كەڭ دەپ وتىر ماماندار. ولار شىعاراتىن ونىمدەرىمەن بولاشاقتا ءوز ەلىمىزدى 90 پروسەنتكە قامتاماسىز ەتۋدى كوزدەيدى.

تاۋەلسىز قازاقستاننىڭ ىشكى سۇرانىستارىن قاناعاتتاندىرىپ وتىرعان، سونداي-اق، رەسپۋبليكالىق يندۋسترياليزاسيا كارتاسىنا ەنگەن «Dolce-Pharm» ج ش س ءوز بۇيىمدارىن  ورتالىق ازيا جانە تمد ەلدەرىنە ەكسپورتتاۋعا ازىرلىك ۇستىندە.