كىرپىش شىعاراتىن «بتك گرۋپپ» زاۋىتىنىڭ ىرگەسى 1997 جىلى قالانعان بولاتىن. ءبىر جىلدان سوڭ العاشقى قىزىل كىرپىشتەرىن شىعارا باستاعان.

جوبانىڭ جالپى قۇنى 600 ملن. تەڭگە، ال جوبالىق قۋاتى 54 توننا گازوبلوك وندىرۋگە نەگىزدەلگەن.

ىلە اۋدانىنىڭ اششىبۇلاق اۋىلىندا ورنالاسقان زاۋىت بيىلدان باستاپ گازوبلوك ءوندىرۋدى قولعا الدى. گازوبلوك شىعارۋ ءۇشىن ەڭ الدىمەن قۇم، اك، گيپس، سەمەنت كەرەك. ال بۇل قوسپالاردى الىستان ىزدەپ قاجەتى جوق، ءوز جەرىمىزدە بار. ماسەلەن، سەمەنت – شىعىس قازاقستان، اك – وڭتۇستىك قازاقستان، گيپس – جامبىل وبلىستارىنان، ال قۇم ىرگەمىزدەگى قاپشاعايدان اكەلىنەدى. دەمەك، شاعىن زاۋىتتىڭ قاناتىن كەڭگە جايا الاتىنىنا سەنىم مول دەگەن ءسوز. زاۋىت جۇمىسشىلارى ون اي ىشىندە 20 مىڭ گازوبلوك شىعارىپ ۇلگەردى.

جيىرما بەس جۇمىسشىسى بار «بتك گرۋپپ» ج ش س «دامۋ» كاسىپكەرلىكتى قولداۋ قورى ارقىلى 200 ملن. تەڭگە كولەمىندە نەسيە الىپ، قۋاتتى قۇرال-جابدىقتارعا قول جەتكىزدى. قىتاي-گەرمانيا تەحنولوگياسىمەن جۇمىس ىستەيتىن اپپاراتتاردىڭ قۇلاعىندا وينايتىن ماماندانعان سەگىز ينجەنەر بار. ەڭبەككەرلەردىڭ ورتاشا جالاقىسى 80 مىڭ تەڭگە. بۇل تۋرالى ب ا ق وكىلدەرىنە الماتى وبلىسىنىڭ وڭىرلىك كوممۋنيكاسيالار قىزمەتى ۇيىمداستىرعان كوشپەلى بريفينگتە «بتك گرۋپپ» زاۋىتىنىڭ ديرەكتورى توعان بوتابەكوۆ ايتىپ بەردى. كەزىندە ماسكەۋدەن ءبىلىم الىپ، وسى ءوزى قولعا العان سالادا 40 جىلدان  بەرى تەر توگىپ جۇرگەن باسشى كەلەشەكتە بۇل زاۋىت كوكجيەگىن كەڭەيتىپ، جاڭا جۇمىس ورىندارىن اشۋعا نيەتتى. جانە دە 54 تونناعا دەيىن گازوبلوك ءوندىرۋدى كوزدەپ وتىر.