20-21 قازان 2016 ج. Rixos Almaty قوناقۇيىندە قازاقستان رەسپۋبليكاسى تاۋەلسىزدىگىنىڭ 25 جىلدىعىنا، الماتى قالاسىنىڭ 1000 جىلدىعىنا، ساپارعالي بەگالين اتىنداعى بالالار كىتاپحاناسىنىڭ 65 جىلدىعىنا وراي «XXI عاسىر كىتاپحانالارى: كىتاپپەن بولاشاققا» حالىقارالىق كىتاپحانا كونفەرەنسياسى ۇيىمداستىرىلدى.

كونفەرەنسيا ماقساتى: قازىرگى زامانعى تاريحي كەزەڭدەگى كىتاپحانالار قىزمەتىنىڭ باستى ماسەلەلەرىنە نازار اۋدارتۋ، كىتاپحانانىڭ مەملەكەتتىك مادەنيەت ساياساتىن جۇرگىزۋدەگى ءرولىن ايقىنداۋ، يننوۆاسيالىق دامۋ جولدارىن بىرلەسە ىزدەۋ جانە مادەنيەت، ءبىلىم، عىلىم وشاقتارىمەن سەرىكتەستىك اياسىن كەڭەيتۋ.

كونفەرەنسيانى ۇيىمداستىرۋشىلار: الماتى قالاسى اكىمدىگىنىڭ مادەنيەت باسقارماسى، «الماتى قالالىق ورتالىقتاندىرىلعان كىتاپحانا جۇيەسى» مقم.

كونفەرەنسياعا الماتى قالاسى مەن وبلىس كىتاپحاناشىلارى، تمد ەلدەرىنەن كەلگەن قوناقتار، وقىتۋشىلار، مۇعالىمدەر، مەكتەپ كىتاپحانشىلارى، الماتى قالاسى اكىمدىگىنىڭ وكىلدەرى، ب ا ق قاتىستى.

كونفەرەنسيا باعدارلاماسى اياسىندا كاسىبي ىسكەرلىك تىڭداۋ، شىعارماشىلىق كرەاتيۆ بەينە-شولۋ، «BOOKPLACE» اياسىندا سەكسيالىق بولىنىستەر ەسەبىندە جۇمىس ىستەۋ، جاڭا يننوۆاسيالىق جۇمىستار تۇساۋكەسەرى وتكىزىلدى.

21 قازاندا «كىتاپحاناشىنىڭ ءاسۇيى»، «VIP-لەكتوريي»، «شابىت ۇستاحاناسى»، «فورسايت–سەسسيا» سىندى تاقىرىپتىق الاڭداردا جۇمىس جۇرگىزىلدى. بۇل جۇمىس ءتورت كىتاپحانادا: ا.چەحوۆ اتىنداعى ورتالىق قالالىق كىتاپحانادا، №4 كىتاپحانا بولىمشەسىندە، س.بەگالين اتىنداعى بالالار كىتاپحاناسىندا، جامبىل اتىنداعى قالالىق جاسوسپىرىمدەر كىتاپحاناسىندا جۇزەگە اسىرىلدى.

كونفەرەنسيا اياسىندا «الماتى تاريح تولقىنىندا»، «بەگاليندىك رەترو» سىندى يلليۋستراسيالى كىتاپ جانە فوتوقۇجاتتار كورمەلەرى راسىمدەلدى، ءارى ورتالىقتاندىرىلعان كىتاپحانالار جۇيەسىنىڭ قىزمەتى بايىپتالدى.

كونفەرەنسياعا قاتىسۋشىلارعا شەتەلدىك جانە وتاندىق كىتاپحانا قىزمەتىمەن، جاڭا تەحنولوگيالارمەن جەتە تانىسۋ، سەرىكتەستىك ورناتۋدىڭ جولىن قاراستىرۋ مەن كەلەشەگىن بولجاۋ مۇمكىندىگى ۇسىنىلدى.

جۇمىس قازاق، ورىس جانە اعىلشىن تىلدەرىندە جۇرەدى.

Baq.kz