شىمكەنتتە ازىق-تۇلىك بەلدەۋى قۇرىلاتىن بولادى. بۇل جونىندە وڭتۇستىك قازاقستان وبلىسىنىڭ اكىمى بەيبىت اتامقۇلوۆ ەلباسى تاپسىرمالارىنىڭ ورىندالۋىنا ارنالعان كەڭەيتىلگەن وتىرىستا ءمالىم ەتتى. بۇل كەڭەيتىلگەن وتىرىستا اۋىل شارۋاشىلىعىنا اسا ۇلكەن ءمان بەرىلگەنىن ايتا كەتكەن ءجون.

         سونىمەن قاتار، جيىندا شىمكەنت قالاسىنىڭ اكىمىنە شاھاردىڭ دامۋ جوسپارىنا قاتىستى ءبىرقاتار تاپسىرمالار جۇكتەلدى. اگلومەراسيالاردى دامىتۋ اياسىندا وبلىس اۋداندارى مەن شىمكەنت قالاسىنىڭ اراسىندا اۋىل شارۋاشىلىعى ونىمدەرىن قايتا وڭدەۋ بويىنشا وندىرىستەردى قۇرۋ ماسەلەسى تالقىلانىپ، ونىڭ ءمان-جايى ءسوز بولدى. بۇعان قوسا  حالىقتى ازىق-تۇلىكپەن قامتاماسىز ەتۋ جونىندەگى مەموراندۋمدارعا قول قويىلاتىن بولادى. «قالانى ازىق-تۇلىكپەن قامتاماسىز ەتەتىن اگرارلىق سەكتوردا شاعىن جانە ورتا بيزنەس بەلدەۋىن قۇرۋدى تاپسىرامىن. سونىمەن قاتار، جاسىل بەلدەۋ قۇرۋ ماقساتىندا باقتار مەن ورمان ايماعىنداعى جەرلەرگە تولىق تەكسەرۋ جۇرگىزىلسىن»، - دەدى ول.  ياعني، وبلىس باسشىسى جاسىل بەلدەۋ قۇرا وتىرىپ، اگروبيزنەستى دامىتۋعا كوڭىل ءبولۋ كەرەكتىگىنە توقتالىپ وتىر. اگروبيزنەستى دامىتۋ بۇل بىرىنشىدەن، ءوڭىر تىنىسىنا جاڭا دەم بەرۋ، جاڭا جۇمىس ورىندارى اشىلادى دەگەننەن شىعاتىن ۇعىم عوي. راسىندا بۇل ءوز كەزەگىندە اۋىل شارۋاشىلىعىن دامىتۋعا ۇلكەن سەرپىن، جاڭاشا كوزقاراس بەرەتىنى ايداي انىق.

سونداي-اق، ەلباسىنىڭ تاپسىرمالارىنا وراي، ءوڭىردىڭ جانە اۋدان، قالالاردىڭ ايماقتىق دامۋ كارتاسى جاسالادى.
http://www.inform.kz/