ج.ەرالييەۆ اۋىل وكرۋگىندەگى كوكونىس وسىرۋمەن اينالىساتىن «نۇراراي» جىلىجايىنا كەلگەنىمىزدە قايناعان قىزۋ جۇمىستىڭ ۇستىنەن تۇستىك . جىلىجايدىڭ تىنىس-تىرشىلىگىمەن ديقان داۋرەن سىرلىبايەۆتىڭ ءوزى تانىستىردى.

- بۇرىندارى جىلدا قىزاناق ەگەتىن ەدىك. ودان دا ءبىرشاما جاقسى تابىس تاپتىق. ال بيىل بولگار بۇرىشىن ەگۋدى ۇيعاردىق. ناتيجەسى جامان ەمەس. ناۋقاندا 4-5 تونناعا دەيىن ءونىم الدىق. ءونىمى ءار ەكى كۇن سايىن تەرىلەدى. بولگار بۇرىشىن ەرتە كوكتەمدە ءار كيلوسىن 750 تەڭگەدەن ساتتىق. العاشىندا سۇرانىس كوپ بولعاندىقتان، ونىمدەرىمىزدى رەسەيگە جىبەرىپ وتىردىق. ال ءقازىر ىشكى نارىقتا، شىمكەنت پەن جەتىساي اراسىندا ساتىلىپ جاتىر. بولگار بۇرىشىن ەگۋ بارىسىندا ەداۋىر تابىس تابۋعا بولاتىنىن بايقادىق، شىعىنى دا از. جەردىڭ دەڭگەيىنەن تومەن ورنالاسقان بۇل جىلىجايدىڭ ەرەكشەلىگىن سۇراعانىمىزدا، «بۇل جىلىجاي جەر دەڭگەيىنەن 2 مەتر تەرەڭدىكتە جايعاسقان. ەگەر دالادا 20 گرادۋس سۋىق بولىپ، ءبىز وسى جەرگە ەكى كلەنكا تارتساق، وندا مۇنىڭ ءىشى 4، 5 گرادۋستىق جىلى تەمپەراتۋرانى كورسەتەدى. ەگەر ىشىنە ءۇشىنشى كلەنكانى تارتساق، وندا تاعى 2 گرادۋس جىلىلىق قوسىلادى. ال 6 گرادۋس جىلىلىقتا ورامجاپىراق ەكسەك تە، شىداس بەرەدى. وسىلايشا ەرتە كوكتەمدە ورامجاپىراق كوشەتىن شىعارامىز. باسقا جىلىجايلار 10 گرادۋس سۋىقتىڭ وزىندە پەش جاعاتىن بولسا، بىزدە بۇل تەمپەراتۋرادا پەش جاقپاي-اق ءىشى جىلى بولادى. بۇل جىلىجايدىڭ ءتيىمدى جەرى سول - قىستىڭ كۇنى جىلى بولادى. ءبىراق بۇل ۇلكەن كولەمدەگى جىلىجايدا ءتيىمسىز. وسىنداي شاعىن كولەمدە عانا وسى ءتاسىلدى قولدانۋعا بولاتىنىن تاجىريبە بارىسىندا اڭعاردىق. وسى جىلىجايىمىزعا ليمون ەكسەك دەگەن ماقساتپەن، وزبەكستاننان ءتۇرلى سورتتى ليمون كوشەتتەرىن اكەلىپ قويدىق. ءقازىر جىلىجايدىڭ توپىراعىن وڭدەپ، دايىندىق جاساپ جاتىرمىز. بولاشاقتا ءجۇزىم وسىرۋگە دەن قويا كىرىسسەك دەگەن ويىمىز بار. سەبەبى وسىنداي جىلىلىعى جوعارى جىلىجايدا وسىرىلگەن ونىمدونىمدەر باسقالارىمەن سالىستىرعاندا ەكى اي بۇرىن پىسەتىنىنە كوزىمىز جەتتى، - دەيدى د.سىرلىبايەۆ.

ءبيبىاجار تاڭىربەرگەنوۆا، «ماقتاارال» گازەتىنىڭ ارناۋلى ءتىلشىسى.