اۋىلدى جەرلەردە مال شارۋاشىلىعى مەن ماقتا، ەگىن شارۋاشىلىعىن دامىتۋ باستى نازاردا. اتالعان شارۋاشىلىقتاردى دامىتۋ ارقىلى اۋىل الەۋەتىن كوتەرۋگە بولادى. اۋىل قاشاندا مەملەكەتتى اسىراۋشى جەر. وسىعان وراي تۇلكىباس اۋدانى، ىنتىماق اۋىلىندا ماڭىزى بار ىستەر ۇزدىكسىز اتقارىلىپ جاتىر. مۇندا «قىزىل جار» ج ش س بار. بۇل سەرىكتەستىك اۋداندى اسىراپ وتىرعان شارۋا قوجالىقتارىنىڭ ءبىرى دەسە بولادى. تۇلكىباس اۋدانىن جۇمىس بابىمەن ارالاپ جۇرگەن جاڭا اكىم اۋەلحان تۇرعىمبەكوۆ وسى شارۋا قوجالىعىنا باس سۇقتى. سەرىكتەستىك باسشىسى ن.مامىروۆ اۋدان باسشىسىنا ءوز قاراماعىنداعى ۇجىمنىڭ  تىنىس-تىرشىلىگىن بايانداپ بەردى. شارۋاشىلىق 2 مىڭ گەكتار جەرگە ارپا مەن بيداي ەگەدى. بيىلعى جىلعى ءونىم جامان ەمەس، ءار گەكتارىنا 24 سەنتنەردەن اينالدى. شارۋاشىلىقتا ەگىننەن بولەك، الما مەن ءجۇزىم وسىرىلەدى. جىلىجاي سالعان سەرىكتەستىك ودان دا تۇۇراقتى ءونىم الىپ وتىر. مۇنىڭ ءبارى «اگروبيزنەس-2020» باعدارلاماسى اياسىندا اتقارىلىپ جاتىر. مەملەكەت ەل بيۋدجەتىنە سالىق ءتۇسىرىپ وتىرعان وسىنداي سەرىكتەستىكتەرگە ءوز كومەگەن بەرىپ كەلەدى.
جەكە كاسىپكەر ن.مامىروۆ قاراماعىنداعى قىزمەتكەرلەرگە جانە اۋىل تۇرعىندارىنا ۇزبەي الەۋمەتتىك كومەك كورسەتىپ، از قامتىلعان وتباسىلارىنا قامقورلىق كورسەتىپ كەلەدى. ءقازىر سەرىكتەستىكتە 68 ادام ەڭبەك ەتەدى. بولاشاقتا مال شارۋاشىلىعىمەن اينالىسۋ جوسپارلارىندا بار. وعان ولاردىڭ مۇمكىندىكتەرى جەتەدى. اۋدان اكىمى وسىنداي ءىرى شارۋاشىلىقتاردىڭ دامي بەرەتىنىن ايتىپ، كووپەراسياعا بىرىگۋ كەرەكتىگىن ايتتى.
 جالپى، تۇلكىباس اۋدانى – تاۋلى اۋدان بولعاسىن، تابيعاتى وتە جايلى. كۇز جانە كوكتەم مەحگىلدەرىندە جاڭبىر ءجيى تۇسەدى. سول سەبەپتى، مۇندا ءشوپ قالىڭ وسەدى. الداعى ۋاقىتتا مال شارۋاشىلىعىن دامىتۋ جوسپاردا بار. 
http://rgmedia.kz/