كەنتاۋ قالاسى اكىمدىگىنىڭ باسپا ءسوز ورتالىعىندا وتكەن بريفينگتە، قالاعا قاراستى حانتاعى اۋىلىنىڭ اكىمى س.راسۋل جىل باسىنان بەرگى اتقارعان جۇمىستارى جايىندا مالىمەت بەردى. وسى ۋاقىتقا دەيىن مەملەكەت تاراپىنان بەرىلەتىن ەڭ تومەنگى كەدەيشىلىك جاعدايداعى اسب جاردەم اقىنى 1 ادام الىپ كەلسە، قازىرگى تاڭدا مۇنداي كومەكتى الاتىن ادامدار سانى جوق. بۇل دا بولسا، اۋىل تۇرعىندارىنىڭ جاعدايى جاقسارىپ كەلە جاتقانىن ايقىندايدى. سونىمەن قاتار، مەملەكەت تاراپىنان جاسالىنعان باعدارلامالار اياسىندا كوپتەگەن اۋىل تۇرعىنى تومەن باعاداعى نەسيەلەردى الىپ، "اگروبيزنەس -2020"، "جۇمىسپەن قامتۋدىڭ  جول كارتاسى -2020"، "بيزنەستىڭ  جول كارتاسى -2020"، "سىباعا"، "قۇلان" سەكىلدى مەملەكەتتىك باعدارلامالار ارقىلى ءوز كاسىپتەرىن دومالاتۋدا. اۋىل تۇرعىندارىنىڭ باسىم كوپشىلىگى مال شارۋاشىلىعىمەن اينالىسادى. سونىمەن قاتار، اعىمداعى جىلى اۋىلدا اۋقىمدى جۇمىستار اقتارىلدى. "مونوقالالاردى دامتىتۋ" باعدارلاماسى شەڭبەرىندە يليچ، رىقۇلبەكوۆ كوشەلەرىندەگى جاياۋ جۇرگىنشى جولدارىنا ورتاشا جوندەۋ جۇمىستارىنا 6344،0 مىڭ تەڭگە قاراجات بولىنگەن. ال "جۇمىسپەن قامتۋ- 2020 جول كارتاسى» باعدارلاماسى شەڭبەرىندە اۋىلىنداعى توقايەۆ كوشەسىنە ورتاشا جوندەۋ، حانتاعى اۋىلىنداعى شاعىن ستاديوندى جايلاستىرۋ جۇمىستارى، اۋىلىنداعى " داڭق" اللەياسىن ورتاشا جوندەۋ جانە اۋماعىن قايتا قالپىنا كەلتىرۋ جۇمىستارى، يليچ، رىقۇلبەكوۆ، يمانوۆ، حانتاعى، ەسپەنبەتوۆ كوشەلەرىندەگى جاياۋ جۇرگىنشى جولدارىنا ورتاشا جوندەۋ جۇمىستارى جۇرگىزىلىپ، اۋىلدىڭ اجارى اشىلا تۇسكەن. 

كەنتاۋ قالاسى اكىمدىگىنىڭ باسپا ءسوز ورتالىعىنان