«اشىق اكىمدىك» جوباسىنىڭ قاعيداسىنا ساي سوزاق اۋدانىنىڭ اكىمى م.يسايەۆ اعىمداعى جىلدىڭ 6 ايىنداعى ەسەبى جايلى مالىمەتتەردى اۋداننىڭ رەسمي سايتىنا جاريالاپ وتىر. اكىمنىڭ مالىمەتى بويىنشا جارتى جىلدا جالپى ءونىم كولەمى 3 ملرد 825 ملن تەڭگەنى قۇراپ، 2015 جىلدىڭ ەسەپتى كەزەڭىمەن سالىستىرعاندا 110 پايىزعا ارتىعىمەن ورىندالعان. بيىلعى جىلى اۋداندا مال باسىنىڭ بارلىق ءتۇرى بويىنشا ءوسىم بار. اتاپ ايتساق، ءمۇيىزدى ءىرى قارا – 26935 باس نەمەسە 103،5%-عا، قوي-ەشكى – 290 841 باسقا، جىلقى – 11329 باسقا نەمەسە 100،7%-عا، تۇيە – 10815 باس 100% -دى قۇراپ قۇستار سانى – 16008 باس بولىپ 103،4 %-عا وسكەن. وتكەن 2015 جىلمەن سالىستىرعاندا ەت ءوندىرۋ – 5672،1 توننا 100،7 %، ءسۇت – 7129،8 توننا 102،8 %، جۇمىرتقا (مىڭ دانا) 1364،5 داناعا نەمەسە 100،4 %-عا ءوسىم بار. وبلىس اكىمىنىڭ باستاماسىمەن قابىلدانعان «2014-2016 جىلدارعا ارنالعان مال شارۋاشىلىعىن دامىتۋ باعدارلاماسى» شەڭبەرىندە اۋداندا اۋقىمدى جۇمىستار اتقارىلۋدا. اتالعان باعدارلاما شەڭبەرىندەگى جۇمىستار اۋدان شارۋالارىن مال بورداقىلاۋعا ىنتالاندىرىپ، كەلەشەكتە تابىس تابۋدىڭ، قوسىمشا جۇمىس ورىندارىن اشۋدىڭ، بىردەن ءبىر كوزىنە اينالۋدا. قاراقۇر اۋىل وكرۋگىنەن «قاراقۇر» ءو/ك (تۇيە) جانە (قوي)، شولاققورعان اۋىل وكرۋگىنەن «باعدات» ش/ق (تۇيە)، قۇمكەنت اۋىل وكرۋگىنەن «قۇمكەنت» ءو/ك (قوي) اسىل تۇقىمدى مال شارۋاشىلىقتارى بولىپ تىركەلىپ، جۇمىس جاساۋدا. ەگىستىككە تامشىلاتىپ سۋارۋ تەحنولوگياسىن ەنگىزۋ مەجەسىن ورىنداۋ ماقساتىندا «سوزاق ساۋلەت» مكقك ارقىلى اۋدان بويىنشا 56 گا جەرگە تامشىلاتىپ سۋارۋ ءادىسى ەندىرىلىپ «جاسىل جەلەك» باعدارلاماسى نەگىزىندە دەكوراتيۆتى باۋ ەگىلدى. ءۇش جاقتى كەلىسىم شارت بويىنشا اۋدانعا 20 تەحنيكا الۋ مەجەسى بەلگىلەنگەنسە، 10 تەحنيكا الىنىپ، تاپسىرما 50 % ورىندالدى. اۋدان بويىنشا 13007 گەكتار ەگىستىك جەر يگەرىلىپ، بۇل جونىندە بەلگىلەنگەن مەجە 105 پايىزعا ورىندالدى. ءۇي ىرگەلىك 1577 گەكتار جەردى يگەرۋ تاپسىرماسى بەرىلىپ، تاپسىرما 100 پايىزعا ۇيىمداستىرىلدى. ەگىن شارۋاشىلىعى سالاسىن دامىتۋ ماقساتىندا كوكتەمگى جانە كۇزگى دالا جۇمىستارىنا مەملەكەت تاراپىنان 455 توننا جەڭىلدەتىلگەن جانار-جاعار ماي ءبولىنىپ، اۋدان اگروقۇرىلىمدارى وسى بولىنگەن جانار-جاعار مايدى تولىعىمەن الدى. اۋدان بويىنشا ەگىلگەن ەگىس كولەمىن ساقتاندىرۋ جۇمىسى دا ءبىرشاما ناتيجەلى جۇرگىزىلىپ، 1151 گەكتار القاپتاعى ەگىستىك ساقتاندىرىلدى. سۋارمالى جەر كولەمىن ۇلعايتۋ بويىنشا 305 گەكتار القاپتى اينالىمعا قوسۋ تاپسىرماسىنىڭ 45 گەكتار القابى (15 %) جايىلىمدىق جەردەن سۋارمالى ەگىستىك تۇرىنە اۋىستىرىلدى. سۋارمالى جەر كولەمىن ۇلعايتۋ تاپسىرماسىن ورىنداۋ ماقساتىندا 2015 جىلدان قۇرىلىسى وتپەلى بولعان «بىرەسەك» سۋ قويماسى، قۇرىلىس جۇمىستارى جۇرگىزىلۋدە. اۋداندا قىزەمشەك كەنت وكرۋگىنەن «كەڭ دالا» اوك قۇرىلىپ كىشى مال سويۋ الاڭى مەن 370 تونناعا دەيىن ەت وڭدەۋ سەحى ىسكە قوسىلدى. سونىمەن قاتار، شولاققورعان اۋىلدىق وكرۋگىنەن «ارۋانا» اوك قۇرىلىپ تۇيە ءسۇتىن وڭدەيتىن قىمىران سەحىن اشۋعا جۇمىستار جۇرگىزىلۋدە.
پىكىر قالدىرۋ