تاۋەلسىزدىكتىڭ جيىرما بەس جىلدىعىندا جەتكەن جەتىستىكتەردى ەلگە جەتكىزۋدى ماقسات تۇتقان اقپاراتتىق-ناسيحاتتىق توپتار اۋدان-قالالاردىڭ حالقىمەن كەزدەسۋدى جالعاستىرۋدا. ارنايى اقپاراتتىق-ناسيحاتتىق توپتىڭ ءبىرى ماقتارال اۋدانىندا دا ارنايى سەمينار وتكىزدى. باسقوسۋعا وبلىستىق ىشكى ساياسات باسقارماسىنىڭ جاۋاپتى قىزمەتكەرلەرى، اۋدان، اۋىل وكرۋگتەرىنىڭ اكىمدەرى قاتىستى. بۇل تۋرالى «قازاقستان-شىمكەنت» تەلەارناسى حابارلادى.

ارنايى توپ 1991 جىلدان بەرى ەلىمىزدە، وبلىسىمىزدا  قول جەتكەن جەتىستىكتەر مەن وڭ كورسەتكىشتەر جايىن باياندادى. مەملەكەتتىك باعدارلامالار اياسىندا قولعا الىنعان تىرلىكتەرىن ەكشەپ، اتقارىلعان ءىستىڭ قارقىندى ەكەنىن ايتادى.

ماقتارال – حالقى تىعىز ورنالاسقان ايماق. مۇنداعى مال باققان حالىق تا، جەر ەمگەن ديقان دا جىلدان جىلعا مول ريزىققا كەنەلىپ كەلەدى. اۋىل شارۋاشىلىعى سالاسىن ءارتاراپتاندىرۋ باعىتىندا دا اتقارىلعان شارۋا كوپ. ديقاندار تەك ماقتا ەگىپ قانا قويماي، جۇرتتى كوكونىس پەن باقشا داقىلدارىمەن قامتاماسىز ەتۋدە كوش باستاپ تۇر.

ايتا كەتەيىك، مەملەكەت تاراپىنان كورسەتىلگەن قارجىلاي كومەكتىڭ ارقاسىندا  شاعىن جانە ورتا كاسىپكەرلىك تە كۇن ساناپ دامىپ كەلەدى. سەمينارعا قاتىسقان ءتۇرلى سالانىڭ ماماندارى بۇل جەتىستىكتىڭ بارلىعى تاۋەلسىزدىكتىڭ جەمىسى دەپ تارقاستى.

ايتا كەتەيىك، وبلىسىمىزدا قولعا الىنعان «اشىق اكىمدىك» جوباسى بويىنشا مەملەكەتتىك ورگاندارى وزدەرىنىڭ اتقارعان جۇمىستارى تۋرالى كەز-كەلگەن اقپاراتتاردىڭ اشىقتىعىن قامتاماسىز ەتۋگە مىندەتتى. اكىمدىكتەر بيۋدجەت، الەۋمەتتىك-ەكونوميكالىق سالاعا قاتىستى مالىمەتتەردى حالىققا جەتكىزىپ، ءاربىر ازامات بۇعان قاتىستى ءوزىنىڭ وي-پىكىرىن بىلدىرۋگە قۇقىلى.

http://rgmedia.kz/