ەسەپ بەرۋگە قالىپتاسقان ەلدىڭ ەرتەڭى جارقىن. وسى قاعيدانى كوزدەيتىن "اشىق اكىمدىك" جوباسى اياسىندا قازىرگى تاڭدا وڭىردەگى اۋدان، قالالار 10 ايدى قورىتىندىلاپ جاتىر. ماسەلەن جاقىندا قامباسىن استىققا تولتىرعان قازىعۇرتتىڭ شارۋالارى ەگىستىك جايى مەن ءونىم كولەمى جايلى حالىق الدىندا ەسەپ بەردى. ديقانداردىڭ ايتۋىنشا اۋداندا اۋىل شارۋاشىلىعى سالاسى بويىنشا اتقارىلعان جۇمىستار وراسان. اۋا رايىنىڭ جاۋىن-شاشىندى بولۋى ارقاسىندا مول استىققا قول جەتكىزگەن. بيدايدىڭ ورتاشا ءتۇسىمى گەكتارىنان 27 سەنتنەر بولسا، كەي جەرلەردە 42 – جۇزدىكتەن الىنعان. جەتىستىكتى باعامداۋ ءۇشىن اۋدان ورتالىعىندا جارمەڭكە ۇيىمداستىرىلدى. مول ءتۇسىم مەن وزىمىزدە وندىرىلگەن تاۋار نارىققا ارزانداتىلعان باعامەن حالىققا جول تارتتى. ال، قورىتىندى جيىن مادەنيەت ۇيىندە ءوتتى. مۇندا جەتكەن جەتىستىكتەر جايىندا بايانداما جاسالىپ، ونەگەلى جۇمىستار ۇلگى ەتىلدى.
"ۇستىمىزدەگى جىلدىڭ وتكەن 9 ايدىڭ قورىتىندىسىمەن اۋىل شارۋاشىلىعى جالپى ءونىم كولەمى 22 437،1 ملن. تەڭگەنى قۇراپ، وتكەن جىلمەن سالىستىرعاندا 6170،0 ملن. تەڭگەگە ارتقان. ەگىس كولەمى وتكەن جىلدان 2290 گەكتارعا ارتىپ، 83908 گەكتاردى قۇرادى.سۋارمالى13500 گەكتار جەردىڭ 100 پايىزى يگەرىلۋدە. اعىمداعى جىلى داندىك جۇگەرىدەن 2061،2 توننا، كوكونىستەن 10397 توننا، باقشادان 2550 توننا، كارتوپتان 5189 توننا، ماساقتى داقىلداردان 113251 توننا ءونىم جينالعۆن. جىلىجاي مولشەرى 1 جىلدا 7 گەكتارعا ارتىپ، 88 گەكتارعا جەتتى. اۋدان وبلىس اۋماعىندا استىق وسىرۋدەن 1-ورىن، ماقسارى وسىرۋدەن 2ء-شى، ال، «اۋىل شارۋاشىلىعىنا قوسقان ۇلەسى ءۇشىن» نوميناسياسى بويىنشا 3-ورىندى يەلەندى"،- اۋداننىڭ اكىمى تولەگەن تەلعارايەۆ. ءوز سالاسىنىڭ مايتالماندارى العىسحاتتارمەن ماراپاتتالدى. ارنايى سىيلىقتارعا يە بولدى.
