16 قاڭتار كۇنى 7 جاستاعى جاكشىلىك شەرالييەۆ تاڭەرتەڭ كوزىن اشا سالىپ، قيراعان ءۇيىنىڭ قابىرعاسىن عانا كوردى. ول شەرالييەۆتەر وتباسىندا ءتىرى قالعان جالعىز ادام، ونىڭ 26 جاستاعى اتا-اناسى مەن ەكى كىشكەنتاي قارىنداستارى سوكۋلۋكسكيي اۋدانىنداعى داچي اۋىلىنا ۇشاقتىڭ قۇلاۋى سالدىرىنان قايتىس بولدى. بۇل تۋرالى rus.azattyk.org حابارلايدى.

سوكۋلۋكسكيي ايماعىنداعى اۋرۋحاندان بالانى كوردىك. ونى بۇل جاققا تاڭعى 10-دا جەدەل جاردەم كولىگى الىپ كەلدى. ول قاتتى قورقىپ قالعان، بەتىندە جاراقاتتار بار، دەنەسى كوگەرىپ قالعان جانە ميى شايقالعان.

جاعدايى ءبىرقالىپتى، ءبىراق، كەزەكشى دارىگەر قۇتمان قۇماربەكوۆتىڭ ايتۋىنشا، بالاعا پسيحولوگيالىق كومەك كەرەك، ءبىراق بالالار پسيحولوگى اۋرۋحانادا ازىرگە جوق، تەك نيەۆروپاتولوگتار عانا بار ەكەن.

سوعان قاراماستان جاقشىلىق ءوزىن بەرىك ۇستايدى، جىميۋعا تىرىسادى، قانداي ەرتەگىلەر مەن مۋلتفيلمدەردى كورۋدى ۇناتاتىنىن ايتىپ بەرەدى. «مەن سارباز بولعىم كەلەدى، ويتكەنى ولار وتانىن قورعايدى»، – دەپ سەنىمدى جاۋاپ بەردى بالا سۇراقتارعا.

جاقشىلىق وقيعا جايلى بىزگە بايانداپ بەرۋدەن دە تايسالمادى. ول قۇلاعان «ۇشاقتىڭ سەگىزىنشى كوشەدەگى بارلىق ءۇيدى قيراتىپ جىبەرگەنىن» ايتىپ بەردى.

– ۇشاق جارىلىپ كەتتى. ودان كەيىن بارلىق ۇيلەردى قيراتتى، ادامدار قايتىس بولدى، ولاردى باسىپ قالدى. ميليسيونەرلەر كەلدى، ودان كەيىن جەدەل جاردەم دە كەلدى، ولار قايتىس بولعان ادامداردى الىپ كەتتى. ميليسيونەرلەر ولارعا قاراپ تۇردى. كورشى ۇيلەردى باسىپ قالدى. مەن ولارعا تاڭەرتەڭ باردىم، ولار ماعان كيىم بەرىپ، جەدەل جاردەم كولىگىنە وتىرعىزدى. ەندى مەن وسىندامىن...مەن ۇيىقتاپ جاتقانمىن. ۇيدەن انام جاققا قاراماستان قاشىپ كەتتىم.

«ەگەر ولار اتامنىڭ ۇيىندە قالعاندا، ءتىرى قالار ەدى»

جاقشىلىقتان كەيىن جارتى ساعاتتان سوڭ اۋرۋحاناعا ەركىن باەتوۆا ءتۇستى.  كىشكەنتاي بالا وعان بىرەر كۇن بۇرىن اتاسىنىڭ ۇيىندە بولعانىن، اكەسىنەن اتاسىنىڭ ۇيىندە قونۋدى ءوتىنىپ، قالۋدى سۇراعانىن ايتقان. ءبىراق ولار جاڭا تۇرعىزىلعان ۇيلەرىنە قايتىپ كەتكەن ەكەن:

– مەن ينە قابىلداپ جاتكانمىن، ال ول ماعان: «اجە، تۇر، مەن ساعان ءبارىن ايتىپ بەرەمىن»،– دەدى. جانە ول ماعان اكەسىنەن اتاسىنىڭ ۇيىنەن كەتپەۋدى وتىنگەنىن ايتىپ بەردى. ونىڭ اكەسىنىڭ اتى ۇلاربەك. جاستار قىزدارىن دارىگەرگە كورسەتىپ ءجۇر ەكەن. جاقشىلىق اكەسىنەن قالۋدى وتىنسە دە، كەلىسپەپتى. ءبىر بولمەدە بەسەۋى ۇيىقتاۋعا جاتادى. ول تاڭەرتەڭ تۇرىپ، فۋندامەنتتەن باسقا ەشتەڭە كورمەگەنىن ايتتى.  ول ماعان ايتتى: «اجە، مەن كوزىمدى اشسام، تەك قابىرعانىن اراسىندا جاتتىم، ەشتەڭە ەسىمدە جوق، مەن توڭىپ كەتتتىم. مەن تەك فۋندامەنتتى كوردىم، ەشتەڭە قالمادى. كورشىلەرگە بارايىن دەپ شەشتىم. ول ۇنەمى مەنىڭ يتىمنەن قورقاتىنىن ايتتى. بۇل جولى يت تە ۇرمەدى. ولار مەنى كيىندىرە باستادى»، – دەدى. ماعان بۇنى تىڭداۋ اۋىرعا سوقتى.

جاقشىلىق اۋرۋحاناعا تۇسە سالىسىمەن، بۇكىل اۋرۋحانا وعان كوڭىل ءبولدى. ەركىن باەتوۆانىڭ سوزىنشە، بارلىق دارىگەرلەر بالاعا بارىنشا قامقورلىق كورسەتكەن، ويتكەنى ونىڭ قاسىندا ەشكىم بولماعان ەدى. دارىگەرلەر تۋىستارىن تابۋدى سۇراعان، ءبىرىنشى بولىپ وعان اجەسى كەلدى. «اجەسى ونى كورە سالىسىمەن، قىسىمى كوتەرىلىپ، وز-وزىنە كەلە المادى»، – دەپ جەتكىزدى بالامەن ءبىر بولمەدە جاتقان ادامدار.

باقتىگۇل يگامبەردييەۆا دەگەن تۋىسى كەلدى. ەركىن مەن باقتىگۇل ەكەۋى بالانىڭ ءار ءسوزى مەن كۇلگەنىن كورىپ، كوز جاستارىن تيا الماعان. ولار بالاعا ەشتەڭە ايتا المادىق دەپ وتىر.

جاقشىلىق – ءۇيدىڭ ۇلكەنى، ودان كەيىن بەس جانە ەكى جاستاعى قارىنداستارى بولعان. سول كۇنى ولار بەسەۋى ءبىر بولمەدە بىرگە ۇيىقتاعان. ەرتەڭ ونىڭ اتا-اناسى مەن قارىنداستارىن جەرلەيدى، ولاردىڭ ءولىمى جايلى بالاعا ايتۋعا باتا الماي وتىر:

– اتا-اناسىنىڭ ولگەنىن بالا ءالى بىلمەيدى. ءبىراق ول ماعان ايتادى: «اجە، اتا-انامدى كۇتپەڭىز!»،– دەپ. ول جۇرەگىمەن سەزەتىن سياقتى. بىلمەيمىن، مۇمكىن، كورگەن شىعار، مۇمكىن سەزەتىن شىعار. ول تەك اجەسىن ىزدەيدى، ويتكەنى ول قايتىپ كەلەمىن دەپ ۇيىنە كەتكەن ەدى. بۇگىن ول جاققا ولگەندەردىڭ دەنەسىن اپارادى. ول ءوزىن ۇيگە اپارۋدى سۇرايدى. ارينە، ءبىز ونىڭ جالعىزدىقتى سەزىنبەۋى ءۇشىن ءبارىن ىستەيمىز، ءبىراق اتا-اناسىنىڭ ورنىن كىم الماستىرا الادى دەيسىڭ؟

Boeing 747-400 ۇشاعى «ماناس» اۋەجايىندا قۇلاپ، سالدارىنان 35 ادام قازا تاپقان بولاتىن. ولاردىڭ اراسىنداعى ەڭ كىشىسى 4 ايلىق نارەستە بولعان.