قازاقستاندىق الينا مۇستافينانىڭ جيروندا تۇسىرگەن ۆيدەوسىن رەسەيلىك تەلەجۇرگىزۋشى يۆان ۋرگانتتىڭ «ۆ پويسكاح دون كيحوتا» باعدارلاماسىندا پايدالانعان. بۇل تۋرالى جۋرناليست الينا مۇستافينا ءوزىنىڭ Facebook پاراقشاسىنا جاريالادى.
«23 مينۋت 15 سەكۋندتان باستاپ يۆان ۋرگانت پەن پوزنەردىڭ باعدارلاماسىندا مەنىڭ (20 سەكۋند) ۆيدەومدى كورسەتتى. مەن ونى جيرون قالاسىندا تۇسىرگەن ەدىم. كەزدەيسوق ونى ءبىرىنشى ارنانىڭ سايتىندا كورىپ قالدىم. مۇنى ماقتان تۇتۋ كەرەك پە، الدە زاڭگەرگە تولەيتىن قارجىنى جيناي بەرەيىن بە؟ نەلىكتەن مەننەن رۇقسات سۇرامادى نەمەسە تيترعا قوسپاعان؟» دەپ ءوز نارازىلىعىن ءبىلدىردى.
رەسەيلىك ءبىرىنشى ارنانىڭ باسپا ءسوز قىزمەتىنىڭ تاراتقان حابارلاماسىندا باعدارلاما رەجيسسەرى ۆالەريي سپيرين الينا مۇستافينانىڭ ماتەريالىن پايدالانعانىن مويىنداپ، ودان كەشىرىم سۇراعانى ايتىلادى.
يۆان ۋرگانتتىڭ "ۆ پويسكاح دون كيحوتا" باعدارلاماسىنىڭ اۆتورلارى قازاقستاندىق الينا مۇستافينانىڭ ۆيدەوسىن قولدانعاندارى ءۇشىن قالاماقى تولەيتىن بولدى.
پىكىر قالدىرۋ