وڭتۇستىك كورەي ۋنيۆەرسيتەتىنىڭ ماماندارى زەرتتەۋ جۇرگىزىپ، ونىڭ ناتيجەسىن جاريالادى. وعان ساي ادام كىشكەنتاي كەزىندە باسقا ەلگە  كوشىپ، انا ءتىلىن ۇمىتسا دا جادىندا انا ءتىلى ماڭگىگە ساقتالىپ قالادى.

زەرتتەۋگە وڭتۇستىك كورەي ەلىنەن اسىراپ الىنعان گوللاند تىلىندە سويلەيتىن ەرەسەك ادامدار قاتىستى دەپ حابارلايدى bbc.com. ولار كورەي ءتىلىن بىلمەسە دە،  كورەي تىلىندە سويلەۋ مانەرى ساقتالعان. سوندىقتان عالىمدار ءسابي دۇنيەگە كەلگەننەن باستاپ اتا-انالارعا بالالارىمەن انا تىلىندە سويلەۋگە كەڭەس بەرەدى.

زەرتتەۋ توبىنىڭ جەتەكشىسى دجيۋن چوي ماڭىزدى تىلدىك يكەمدەر ادام ومىرىندەگى العاشقى ايلاردا پايدا بولادى دەگەن قورىتىندى جاساعان. ونى بىرنەشە جىل وتكەننەن كەيىن دە قوسىمشا كۇش جۇمسايماي قالپىنا كەلتىرۋگە بولادى.

 عالىمدار گولاندتىق ەكى توپتىڭ اراسىندا سىناق جاسادى. ولار ەلدە تۋىپ-وسكەندەر مەن ءسابي كەزىندە اسىراپ الىنعاندار. 6 ايعا دەيىنگى ۋاقىتتا اسىراپ الىنعاندار وزدەرىنە بەيتانىس تىلدەگى سوزدەردى گوللانديادا تۋىپ-وسكەندەرگە قاراعاندا دۇرىس ايتادى ەكەن.   

دجيۋن چوي وسى مالىمەتتەردى ەسكەرە وتىرىپ مىناداي كەڭەس بەرەدى: «وتىنەمىن، ەستە ساقتاڭىزدار، ءتىلدى ۇيرەنۋ ءسابيدىڭ ومىرىندەگى العاشقى كەزەڭدە باستالادى. ءدال وسى ۋاقىتتا ءتىلدى ۇيرەنۋ قابىلەتى قالىپتاسادى. بالالارىڭىزبەن كوپ سويلەسۋگە تىرىسىڭىزدار. سەبەبى ولار ءسىزدىڭ ايتقاندارىڭىزدى ءسىڭىرىپ الادى».

ءتىلدى ءتۇسىنۋ پروسەسى وتە ەرتە بالا انانىڭ قۇرساعىندا جاتقاندا-اق باستالادى. ءسابي دۇنيەگە كەلگەندە اناسىنىڭ داۋىسىن تانيدى.

انا ءتىلىن ءتۇسىنۋ وتە ەرتە كەزدە قالىپتاساتىنى بۇرىننان بەلگىلى. الايدا انا ءتىلىن يگەرۋ تاجىربيە ارقىلى كەلمەيتىنىن ونىڭ ابستراكتىلى پروسەس ەكەنىن عالىمدار بۇعان دەيىن بىلمەدى.