تايۆاندىق لين كساوفەن 9 جىل بۇرىن اۋرۋحاناعا كوپ مولشەردە قان كەتىپ، اۋىر جاعدايمەن تۇسكەن بولاتىن. ەگەر دە وعان دەر كەزىندە قان دونورى تابىلماعاندا ءتىرى قالۋى ەكىتالاي ەدى دەيدى Life.ru. لين ۋاقىت وتە كەلە مىندەتتى تۇردە ءومىرىمدى قۇتقارىپ قالعان ءانونيمدى دونوردىڭ كىم ەكەنىن انىقتايمىن دەپ شەشىم قابىلدايدى.
سول كەزدە ءوزىنىڭ كەزدەسىپ جۇرگەن جىگىتى ليان زيچەنگ ءوزىنىڭ دە تۇراقتى تۇردە قان تاپسىراتىندىعىن، سول سەبەپتى ىزدەگەن دونورى بولۋى مۇمكىن ەكەندىگىن ازىلدەپ ايتىپتى.
قىز دونور جايلى اقپاراتتى الۋ ءۇشىن قان قۇيۋ ءورتالىعىنىڭ كومەگىنە جۇگىنەدى. «ول جاقتاعىلار مەن ىزدەگەن دونوردىڭ ءاتى-جونى ليان زيچەنگ دەگەندە قاتتى تاڭ قالدىم» دەيدى لين.
مالىمەتتەردى تەكسەرە وتىرا، كەزىندە ءومىرىن قۇتقارىپ قالعان ادام شىن مانىسىندە ءوزىنىڭ قاسىندا جۇرگەن جىگىتى ەكەندىگىنە كوز جەتكىزەدى. ليان زيچەنگ جەرگىلىكتى كانالعا سۇحبات بەرگەندە «لينمەن ارامىزداعى تۇسىنىكسىز ءجىپسىز ءبىر بايلانىس بارىن سەزىپ جۇرەتىنمىن. اركىم ءوزىنىڭ بولاشاق جارىن ءبىر رەت بولسىن اجالدان قۇتقارۋى ءتيىس» دەپ ازىلدەپتى.
