ۇزىناعاشتا قاستاندىقپەن ولتىرىلگەن ءۇش ازاماتتىڭ (جارقىنبەك دولدان ۇلى، مۇحيات زارلىحان ۇلى، قادىلبەك الەمقان ۇلى) تۋىسى تۇرسىن ءامىربايدىڭ «قىسقا عۇمىر» اتتى ولەڭى.

«قۇرمەتتى اعايىندار، ءقادىرلى ەل-جۇرتىم، سىزدەرگە مالىم ءبىزدىڭ اۋلەتىمىزدە وتە اۋىر قايعىلى جاعدايدى باسىمىزدان وتكىزدىك. ءبىز قايعىرساق سىزدەردە قايعىردىڭىزدار، كوپتەپ كومەكتەستىڭىزدەر. بۇل ىستەرىڭىزگە اللا رازى بولسىن. مەن وسى ءۇش ازاماتتىڭ تۋىستارى اتىنان باستان اياق كومەكتەسىپ ىزدەسكەن، ءار تۇرلى كومەك كورسەتكەن جاكۋلين اۋلەتىنە، ءتۇرلى الەۋمەتتىك جەلىدەگى توپتار مەن قايىرىمدى جاندارعا، اقپارات قۇرالدارىنا، ۇزىناعاشتاعى بارلىق اعايىن-تۋىس، جالپى ەل جۇرتىما ۇلكەن العىسىمدى بىلدىرەمىن. ىنىلەرىمە ارناپ «قىسقا عۇمىر» دەپ ءبىراز ولەڭ جازدىم:

جالعاندا-جالعان، جالعان-اي، 

جالعاندا مۇنداي بولعان با-اي. 

قوس ارىستان ايرىلىپ، 

باسىما قايعى ورنادى-اي. 

ەسىمە الامىن ەڭىرەپ، 

مۇقيات، جارقىن سەندەردى. 

قاپيادا كەتتىڭدەر، 

زار جىلاتىپ ەلىڭدى. 

اڭىراپ قالدى اۋىلىڭ، 

اكە-شەشە، اعا-باۋىرىڭ. 

جىلاي-جىلاي تاۋسىلدى، 

كوزدىڭ جاسى باۋىرىم. 

جىلاپ قالدى ءوز جۇرتىڭ، 

قايعى شەكتى ەل جۇرتىڭ. 

حالقىما مىڭ-مىڭ راحمەت، 

توقتاۋ ايتتى ەل جۇرتىم. 

بۇل جالعاننىڭ قيىنى-اي، 

قايعى ءتۇستى باسىما. 

جاس كەتتىڭ قايىران جارقىنم، 

وتىز جەتى مۇشەل جاسىڭدا. 

مۇقياتىم ارىسىم، 

كەلۋشى ەدىڭ اۋىلعا. 

سالەم بەرىپ تۇرۋشى ەڭ، 

ۇلكەن كىشى باۋىرعا. 

اينالايىن قادىلبەك، 

ويناپ كۇلىپ ءجۇرۋشى ەڭ. 

وتىرعان جەرىڭدى كۇلدىرىپ، 

ءبىر قۋانتىپ تۇرۋشى ەڭ. 

اناڭدا كەتتى جارقىنىم، 

ويلاي-ويلاي ءوزىڭدى. 

قۇلاق سالىپ تىڭداۋشى ەت، 

ءاربىر ايتىلعان ءسوزىڭدى. 

قالعان انالار جىلايدى، 

كوزدىڭ جاسىن بۇلايدى. 

اماندىق تىلەپ قايتادان 

اللادان يمان سۇرايدى. 

ارتىڭدا قالدى انالار، 

كەلىندەر مەن بالالار. 

دەنى ساۋ بولسىن سولاردىڭ، 

ورنىندا بار وڭالار. 

ويلايمىن جارقىن، مۇقيات 

سول ءبىر وتكەن كۇندەردى، 

ەل ارالاپ جول ءجۇرىپ، 

قايتا قايتقان تۇندەردى. 

مۇقياتىم، جارقىنىم 

كۇلىپ-ويناپ ءجۇرۋشى ەڭ. 

قانداي جاعداي بولسا دا 

اتىلىپ الدا تۇرۋشى ەڭ. 

ارتىمنان ەرگەن سەندەر ەڭ، 

كىم بولار ەندى قاسىمدا. 

ويلايمىن سونى ءارقاشان، 

الپىسقا كەلەر جاسىمدا. 

ەكى تاۋدىڭ اراسى-اي، 

قوس وزەننىڭ جاعاسى اي. 

شەيىت بولعان سول جەردە 

ءۇش مۇسىلمان بالاسى اي. 

قازاق ەلى قايعىردى، 

ءۇش ارىسىنان ايرىلدى. 

مەملەكەت قولعا الىپ، 

دۇشپاننىڭ قولىن قايىردى. 

"31 "ارنا "KTK "

بولدى مەنىڭ جانىمدا. 

اقىل ايتىپ ءارقاشان 

"قامشى " ءجۇردى قاسىمدا. 

ەركىن باۋىر راحمەت، 

ارالاستىڭ بۇل جۇمىسقا. 

سوتتا جاقسى سوز سويلەپ، 

بەل شەشتىڭ بۇل قىلمىسقا. 

قارا جەر باستى قايعىنى، 

نە شارا بۇل جالعانعا. 

ەندى امان بول ەل جۇرتىم، 

مىنا قىسقا زاماندا. 

وسىمەنەن تۇگەدى، 

ارمان زارىم تىلەگىم. 

امان بولسىن ءارقاشان، 

حالقىما سونى تىلەدىم. 

«نۇر وتانعا» راحمەت، 

جول كورسەتتى حالقىما. 

راحمەت ايتام ءارقاشان، 

قارا ورمانداي حالقىما. 

اتا جۇرتقا كەلگەن قازاعىم، 

امان بولسىن وتباسىڭ. 

قايعى قاسىرەت بولماسىن، 

كوبەيە بەرسىن باستارىڭ. 

توقتاۋ ايتقان حالقىم-اي، 

قازاقتىڭ جاقسى سالتىن اي. 

كومەكتەسىپ جۇگىرگەن، 

راقمەت ايتام حالقىم-اي. 

مۇقيات پەن جارقىننىڭ كىشى اكەسى: تۇرسىن ءامىرباي ۇلى. 

2017. 3. 2