اپ 162/3 تۇزەتۋ مەكەمەسىنىڭ ەكى قىزمەتكەرى بىرنەشە مارتە چەمپيون اتانعان دزيۋدوشى باقىتجان ابدىكارىموۆتى سۋيسيدكە دەيىن جەتكىزۋى مۇمكىن دەپ حابارلايدى informburo.kz. ولار بۇل ىستە كۇدىكتى بولىپ سانالادى.

پاۆلودار وبلىسىنىڭ پروكۋرورلارى ق ر چەمپيونى 45 جاستاعى باقىتجان ابدىكارىموۆتى ازاپتاعانىن انىقتاعان. وسىعان بايلانىستى اتالمىش مەكەمەنىڭ جەدەل ۋاكىلى جانە ءبولىم باسشىسى تەرگەۋ يزولياتورىندا وتىر.

«جازاسىن وتەۋشى 2016 جىلدىڭ 24ء-شى اقپان ايىندا كوز جۇمدى. 20 مەن 23 اقپان ارالىعىندا ءبولىم باسشىسى كانكين مەن جەدەل ۋاكىل مۇقانوۆ ق ر چەمپيونى ابدىكارىموۆتى سوققىعا جىققان. وعان پسيحولوگيالىق، مورالدىق، فيزيكالىق قورلىق كورسەتىپ، جىنىستىق زورلىقپەن قورقىتقان» دەپ حابارلادى پاۆلودار وبلىستىق پروكۋراتۋرانىڭ ارنايى پروكۋرورلار باسقارماسىنىڭ باسشىسى اسەت ساتتىبايەۆ.  

باقىتجان ابدىكارىموۆ بىرنەشە مارتە وزىنە قول جۇمساماق بولعانى انىقتالدى. الايدا كولونيا باسشىلىعى تاراپىنان ەشقانداي قاۋىپسىزدىك شارالارى قولدانىلماعان.

«مەديسينالىق سانيتارلى پالاتادا سپورتشى اينەكتى شاعىپ، وزىنە 130-عا جۋىق جاراقات سالعان. قىلمىس انىق بولماعاندىقتان تەرگەۋ جۇمىستارى قيىنعا سوعۋدا. جازاسىن وتەۋشىلەردەن دە تۇسىنىكتەمە الىندى. ولار دا كۇدىكتىلەردىڭ تاراپىنان قىسىمعا ۇشىراعان. سوندىقتان ولارعا ق ر قك 361 باپ 2ء-شى ءبولىم – كۋاگەرلەرگە قىسىم كورسەتۋ بويىنشا قوسىمشا ايىپ تاعىلدى. مۇقانوۆ پەن كانكين ءوز كىنالارىن مويىنداماي وتىر. ءىس تەكسەرىلگەننەن كەيىن سوتقا جەتكىزىلەدى» دەپ حابارلادى اسەت ساتتىبايەۆ.

باقىتجان ابدىكارىموۆ 2016 جىلدىڭ 24ء-شى اقپانىندا اينەك سىنىعىمەن وزىنە ءتۇرلى جاراقاتتار سالدى. ابدىكارىموۆكە شۇعىل تۇردە مەديسينالىق كومەك كورسەتىلگەن. الايدا سپورتشى ەسىن جيماستان قايتىس بولدى.

ەستەرىڭىزگە سالا كەتەيىك، دزيۋدودان چەمپيون اتانعان سپورتشى باياناۋىل اۋداندىق سوتىندا ەكى ادامدى قاتىگەز تۇردە سوققىعا جىققانى ءۇشىن 5 جىلعا باس بوستاندىعىنان ايىرىلعان.   

ابدىكارىموۆتىڭ تۋىستارى تەرگەۋگە سەنبەيتىندەرىن ايتىپ، ونى ءولتىردى دەپ ويلاعان. 

اۋدارعان: اسەم المۇحانبەت