ۋاقىتقا ساياحات تۋراسىندا كوپتەگەن فانتاستيكا جانرىندا قالام تەربەپ جۇرگەن جازۋشىلار ءتۇرلى شىعارمالار جازدى. سولاردىڭ ءبىرى گەربەرت ۋەللستىڭ «ماشينا ۆرەمەني» رومانى. اتالعان كىتاپتىڭ جارىق كورگەنىنە 100 جىلدان اسسا دا بولاشاققا نەمەسە وتكەنگە ساياحات جاساۋ مۇمكىندىگى ادامدار ءۇشىن ماڭىزدىلىعىن جويماعان.

كوپتەگەن ادامدار سارعايعان فوتو سۋرەتتەردەن جانە ەسكى فيلمدەردەن جۇمباق ادامداردى سول زامانعا ساي ەمەس اپپاراتۋرامەن بايقاپ قالاتىن ساتتەر بولادى. سولاردىڭ بىرنەشەۋىن نازارلارىڭىزعا ۇسىنامىز.

1938 جىلى شىققان فيلمدە ۇيالى تەلەفون ۇستاپ كەلە جاتقان ايەلدى بايقاپ قالعان. ول ۋاقىتتا سىمسىز تەلەفوندار بولدى ما دەگەن سۇراق تۋىندايدى.

1995 جىلى تۇسىرىلگەن مارك تايسوننىڭ جەكپە-جەگى كەزىندە كورەرمەندەردىڭ ىشىندە قازىرگى سمارتفونعا ۇقسايتىن قۇرىلعىنى ۇستاپ وتىرعان ادامدى بايقاۋعا بولادى. ال كامەراسى بار تەلەفوندار تەك 5 جىلدان كەيىن عانا ساتىلىمعا شىقتى.

ال مىنا فوتوداعى ەر ادامنىڭ كيىم كيۋ ءستيلى سول كەزدەگى ادامدارعا ۇقساماعانى بىلاي تۇرسىن، ونىڭ قولىندا كادىمگى فوتواپپاراتتى بايقاۋعا بولادى.