ورتالىق كوممۋنيكاسيالار قىزمەتى الاڭىنداعى «SarapTime» ساراپشىلارى دوڭگەلەك ۇستەلدە باس قوستى. جيىننىڭ ماقساتى، «قازاقستاننىڭ 100 جاڭا ەسىمى» رۋحاني جاڭعىرۋ مەلمەكەتتىك باعدارلاماسى اياسىندا ىسكە اساتىن اۋقىمدى جوبانىڭ جۇرگىزىلۋ رەتىن تالقىلاۋ. «قازاقستاننىڭ 100 جاڭا ەسىمىنە» قويىلاتىن تالاپتاردى انىقتاپ، لايىقتىلاردى دارالادى. سونىمەن قاتار، بايقاۋدىڭ ماقساتى مەن باعىت-باعدارى دا تالقىعا ءتۇستى، دەپ حابارلايدى qamshy.kz
ساراپشىلار كلۋبىنا «قازكونتەنت» اق باسشىسى ەۆگەنيي كوچەتوۆ، «بيۋرو 100» باستاماشىل توپتىڭ مۇشەسى ماحاببات ەسەن، «قوعامدىق كەلىسىم» باسپا ءسوز جەتەكشىسى قىمبات دوسجان جانە ەلىمىزگە بەلگىلى اقىن، جۋرناليستەر قاتىستى. جيىن بارىسىندا «100esim.el.kz» سايتى ءوز جۇمىسىن باستاحانى تۋرالى حابارلاندى. ونلاين تىركەلۋ شارتتارى بويىنشا ءار ادام ءوزى تۋرالى قىسقا اقپاراتى سايتقا جۇكتەي الادى. بۇگىنگە دەيىن ءتۇرلى ماماندىق يەلەرىنەن 1000-نان استام ءوتىنىم قابىلدانعان.
– «بيۋرو 100» باستاماشىلار توبىنىڭ مۇشەسى ماحاببات ەسەن ءبىر اي بويى الەۋمەتتىك جەلى قولدانۋشىلارىنىڭ ۇسىنعان كانديداتتارىن تىزىمگە الىپ، جۇمىس ىستەپ جۇرگەنى تۋرالى مالىمدەدى. «قوعامعا پايداسى ءتيىپ جۇرگەن ادامداردى ىزدەپ تاۋىپ ەلدىڭ نازارىنا ۇسىنۋدى ازاماتتىق بورىشىم دەپ سانايمىن. بۇل بايقاۋ ءادىل بولاتىنىنا سەنەمىن. ەڭبەگى ەلەنبەي، تاسادا قالىپ جۇرگەن ادامدارعا كورىنەنتىن ۋاقىت كەلدى دەپ ويلايمىن، – دەدى ماحاببات ەسەن. ول «قازاقستاننىڭ 100 جاڭا ەسىمى» جوباسىنا اقمولا وبلىسىنىڭ تۇرعىنى اناتوليا دوبروۆولسيەۆ ەسىمدى ومارتاشىنىڭ ءومىرىن ۇلگى تۇتۋعا بولاتىنىن ايتىپ، اۋىلدا بال ءوندىرىسىن جولعا قويعان تابىستى ادامدى مىسالعا كەلتىردى.
ال ەۆگەنيي كوچەتوۆ جينالعاندارعا وتىنىمدەردى بەرۋ ءتارتىبىن ءتۇسىندىردى. ونىڭ ايتۋىنشا، جوباعا ەنگەن ادام اينالاسىنداعىلاردى رۋحتاندىرا ءبىلۋى كەرەك. ءوتىنىمدى ىرىكتەۋدىڭ نەگىزگى ولشەمدەرى - تاۋەلسىز قازاقستاننىڭ دامۋىنا تۇلعانىڭ ناقتى قوسقان ۇلەسى بولىپ تابىلادى. «100 جاڭا ەسىم» جوباسى ارقىلى ءوزىمىز تانىمايتىن ادامداردى ءبىلىپ جاتىرمىز. جالعىز قازاقستاننان ەمەس شەتەلدەن دە وتىنىشتەر كەلىپ ءتۇسىپ جاتىر. ماسەلەن، جاقىندا بەرليندەگى قازاقتاردان ۇسىنىس كەلىپ ءتۇستى. كوپشىلىك ماڭىزدى جوباعا نازارىن بۇرسا دەگەن تىلەك بىلدىرگىمىز كەلەدى»، - دەيدى ەۆگەنيي كوچەتوۆ.
پىكىر قالدىرۋ