«100 جاڭا ەسىم» جوباسىن جۇزەگە اسىرۋ جانە كانديداتتارىن ىرىكتەۋ جونىندەگى جۇمىس توبىنىڭ قۇرامىنا كىرەتىن «بولاشاق» قاۋىمداستىعىنىڭ اتقارۋشى ديرەكتورى ازامات بوجاكوۆ ءوزىنىڭ الداعى تاڭداۋى تۋرالى پىكىر ءبىلدىردى، دەپ حابارلايدى «Qamshy.kz» اقپارات اگەنتتىگى.

قازىرگى تاڭدا ول «100 جاڭا ەسىمنىڭ» بولۋى مۇمكىن كانديداتىنىڭ تەك بىرەۋىن عانا اتادى. «بۇل - ەلىمىزدىڭ بەلگىلى ءبىر سالاسىنىڭ دامۋىنا ءوزىنىڭ ناقتى ۇلەسىن قوسقان ادامدار. ەگەر ول دارىگەر بولسا، وندا مەن كارديوحيرۋرگ دميتريي گوربۋنوۆتىڭ ەسىمىن اتار ەدىم. ول «بولاشاق» باعدارلاماسىنىڭ تۇلەگى، جۇرەككە وتا جاساپ، كوپتەگەن ادامداردىڭ ءومىرىن ساقتاپ قالعان جان. ءبىراق ول تۋرالى ازىرگە تەك ءوزى جۇمىس ىستەيتىن اۋرۋحانا عانا بىلەدى»، - دەدى بوجاكوۆ.

بوجاكوۆتىڭ پىكىرىنشە، ءجۇز قازاقستاندىق تۇلعانىڭ تىزىمىنە كىرەتىن بىرنەشە لايىقتى كانديدات بار. ءبىراق ول ولاردىڭ ەسىمدەرىن اتامادى. 

«بولاشاق» باعدارلاماسى بويىنشا جۇمىس ىستەيتىن ۇستاز بار. ونىڭ بالالارى وليمپيادالاردا بىرنەشە رەت جۇلدەلى ورىندار الدى. كوپتەگەن عىلىمي ماقالالاردى، سونىڭ ىشىندە بالامالى ەنەرگەتيكا سالاسىندا عىلىمي ماقالالار جازعان عالىم دا بار. مۇنداي ادامداردىڭ كوپشىلىككە تانىمال مەديا-تۇلعالار بولماۋى كەرەكتىگىن اتاپ وتكىم كەلەدى. ءبىز ەلىمىزگە جاڭا ەسىمدەردى كورسەتكىمىز كەلەدى»، - دەپ ءتۇسىندىردى ول.

سونداي-اق، ا. بوجاكوۆ اتالمىش جوبانىڭ قازاقستاننىڭ بولاشاعى ءۇشىن ماڭىزى زور ەكەندىگىن اتاپ ءوتتى.

«بۇل جوبا ارقىلى ءبىز ءوزىنىڭ كۇن سايىنعى ەڭبەگىمەن ىزگى ىستەر اتقارىپ جاتقان بىرەگەي تۇلعالاردى كورسەتكىمىز كەلەدى. جاس ۇرپاق ءۇشىن بۇل جاقسى ۇلگى جانە موتيۆاسيا بولۋى كەرەك. سەبەبى جاستار ولاردان ۇلگى الىپ، ءوزىن-وزى كەمەلدەندىرۋگە ۇمتىلادى»، - دەدى «بولاشاق» قاۋىمداستىعىنىڭ باسشىسى.