تارباعاتاي اۋدانىنىڭ ورتالىعى اقسۋاتتا وتكەن سۋىرىپ سالما ءسوز ايتىسىنا ەلىمىزگە بەلگىلى ايتىسكەرلەر: رينات زايىتوۆ، اسپانبەك شۇعاتايەۆ، رۇستەم قايىرتاي ۇلى، جانسايا مۋسينا، كاليجان ءبىلداش، اسەم ەرەجە قىزى، شۇعايىپ سەزىمxان، ەرلان داۋلەت ۇلى (موڭعوليا)، جارقىنبەك بەردىبەك ۇلى (جۇڭگو)، مۇحتار نيازوۆ، ماقسات اقانوۆ، قۋانىش شارمانوۆ قاتىستى دەپ حابارلايدى Qamshy.kz اقپارات اگەنتتىگى. ەلىمىزدىڭ ءار ءوڭىرى مەن شەتەلدەن جينالعان وت اۋىزدى، وراق ءتىلدى اقىندار تاريxقا تولى اقسۋاتتى جىرعا قوسىپ، كيەلى مەكەننىڭ رۋحىن اسقاقتاتتى. دۇركىرەپ وتكەن ايتىستا اقىندار سونىمەن قاتار، تۋعان جەر، وسكەن ەلگە قۇرمەت، ۇلتتىق داستۇرلەرىمىزدى ۇلىقتاۋ، وتكەنىمىزدى ۇمىتپاۋ سىندى وزەكتى تاقىرىپتاردى تىلگە تيەك ەتىپ، كورەرمەندەردىڭ ىستىق ىقىلاسىنا بولەندى. شابىتى شارىقتاعان ءسوز شەبەرلەرىنىڭ وتتى جىرلارى مەن ويناقى ورامدارى ايتىستى دۋماندى كەشكە اينالدىردى.

ايتۋلى شارانى  قازاقستاننىڭ ەڭبەك سىڭىرگەن قايراتكەرى، قازاقستان ايتىس اقىندارى مەن جىرشى تەرمەشىلەردىڭ حالىقارالىق وداعىنىڭ ءتوراعاسى ءجۇرسىن ەرمان جۇرگىزدى. ونەر باسەكەسىنىڭ باس جۇلدەسىن (2 ملن. تەڭگە) رۇستەم قايىرتاي ۇلى قانجىعاسىنا بايلادى. ءبىرىنشى ورىندى رينات زايىتوۆ (1 ملن. تەڭگە)، ەكىنشى ورىندى جانسايا مۋسينا (750 000 تەڭگە)، ءۇشىنشى ورىندى قىتايدان كەلگەن قانداسىمىز جارقىنبەك بەردىبەك ۇلى (500 000 تەڭگە) ەنشىلەدى. مۇحتار نيازوۆ جانە اسپانبەك شۇعاتايەۆ 300 000 تەڭگەنىڭ ارنايى سىيلىعىنا يە بولدى. ال، ەكى اقىن قاليجان ءبىلداش پەن شۇعايىپ سەزىمxانعا «تاسكرەديت» كومپانياسىنىڭ اتىنان «اقسۋات ايتىسى» اتتى ارنايى ستيپەنديا تاعايىندالدى. ستيپەنديا يەگەرلەرى ءبىر جىل بويى اي سايىن 100 000 تەڭگە كولەمىندە ستيپەنديا الىپ تۇرادى.

شارا اياسىندا تارباعاتاي ءوڭىرىنىڭ وتكەنى مەن بۇگىنى تۋرالى سىر شەرتەتىن «تاريحقا تولى تارباعاتاي» اتتى كىتاپتىڭ تۇساۋكەسەر ءراسىمى ءوتتى. سونىمەن قاتار، اتا-بابالارىنىڭ رۋxىنا ارناپ قۇران باعىشتالىپ اس بەرىلدى.