2 تامىز كۇنى قازاقستاندىق ديپلوماتتار مىسىردا تۇتقىندالعان 6 ازاماتتى كاير اۋەجايىنان شىعارىپ سالىپ، ەلگە قايتاردى، دەپ حابارلايدى Qamshy.kz اقپارات اگەنتتىگى ق ر ءسىم باسپا ءسوز قىزمەتىنىڭ جەتەكشىسى ءانۋار جايناقوۆقا سىلتەمە جاساپ.
1 تامىز كۇنى مىسىردىڭ ۇلتتىق قاۋىپسىزدىك قىزمەتى قازاقستان ەلشىلىگىمەن بايلانىسقا شىعىپ سول ەلدە ۇستالعان التى قازاقستاندىقتاردى ەلگە قايتاراتىندىعىن ايتقان.
قازاقستان ەلشىسى دەرەۋ اۋەجايعا بارىپ، وتانداستارىمىزبەن كەزدەسكەن. مىسىردا قولعا تۇسكەن التى وتانداسىمىز ەلگە امان-ەسەن ورالدى.
«قازاقستنادىق التى ازامات بۇگىن مىسىردان ءوز ەلىنە امان-ەسەن ورالدى. ءقازىر ولار ءوز ۇيلەرىنە تۋىستارى مەن جاقىندارىنا بارا جاتىر»، - دەپ جازدى ءانۋار جايناقوۆ ءوزىنىڭ Facebook پاراقشاسىنا.
ەستەرىڭىزگە سالا كەتسەك، ەكى اپتا بۇرىن مىسىردا ءبىزدىڭ التى وتانداسىمىز جوعالىپ كەتتى دەگەن اقپارات تاراعان. كەيىننەن ولاردى پوليسيا قىزمەتكەرلەرى تۇتقىنداپ الىپ كەتكەندىگى بەلگىلى بولدى. الايدا ،ولاردى قانداي سەبەپپەن تۇتقىنداعانى ءالى كۇنگە دەيىن بەلگىسىز.
پىكىر قالدىرۋ