ورتالىق كوممۋنيكاسيالار قىزمەتى الماتى وبلىستىق ىشكى ساياسات باسقارماسىمەن بىرلەسىپ تالدىقورعان قالاسىندا «QazTalks – اشىق اڭگىمە الاڭى» جاڭا جوباسىن وتكىزدى. جەتىسۋ جەرىندە بولعان اشىق اڭگىمەگە ءتۇرلى سالانىڭ كوشباسشىلارى، قوعامعا بەلگىلى ادامدار قاتىستى. ورتالىق كوممۋنيكاسيالار قىزمەتىنىڭ الماتى وبلىسى ايماقتىق ءبولىمى تۇڭعىش رەت بەيرەسمي باسپا ءسوز شاراسىن وتكىزۋدە دەپ حابارلايدى Qamshy.kz اقپارات اگەنتتىگى.

«ورتالىق كوممۋنيكاسيالار قىزمەتى» رمم ديرەكتورى ارتۋر نىعمەتوۆ ءوزىنىڭ العى سوزىندە: «QazTalks اشىق اڭگىمە الاڭى» ق ر پرەزيدەنتى ن.ءا. نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا كورسەتىلگەن ءبىرقاتار يدەيالاردى جۇزەگە اسىرۋعا ارنالعان جيىن ەكەنىن اتاپ ءوتتى. سونىمەن قاتار، ورتالىق كوممۋنيكاسيالار قىزمەتىنىڭ مەمەلەكەتتىڭ اقپاراتتىق ساياساتىن دۇرىس باعىتتا جۇرگىزەتىن ءىس-شارالارى تۋرالى ايتتى.  

ساياسات مايتالماندارى «استانا» حالىقارالىق قارجى ورتالىعىنىڭ اتقارۋشى ديرەكتورى نۇربەك ساياسات، «ساكرالدى قازاقستان» عىلىمي-زەرتتەۋ ورتالىعىنىڭ باسشىسى بەرىك ءابدىعالي ءوز ويلارىن ورتاعا سالدى.

ال ءعىلىم-بىلىم سالاسىن ساراپتاعان ق ر ۇعا كوررەسپوندەنت-مۇشەسى،       ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ ديرەكتورى ەردەن قاجىبەك بولدى. ەردەن قاجىبەك اۋديتوريا الدىندا لاتىن قارىپىنە كوشۋ تيىمدىلىگى جايلى وي ءبولىستى. سپيكەردىڭ ايتۋىنشا، 1926 جىلى قازاقستاندا قايتادان جاڭا الىپبەشىلەر قوعامى قۇرىلىپ، ونىڭ قۇرامىندا ج.چومبالوۆ،  ت.رىسقۇلوۆ، ت.شونانوۆ، ا.بايسەيىتوۆ، ب.مايلين بولعان. 1927 جىلى 19 قاراشادا قىزىلوردادا لاتىن ءالىپبيىن قولدايتىن «جاڭا قازاق» ءالىپبيىنىڭ ورتالىق كوميتەتى قۇرىلادى. الايدا، قىزىل ساياساتتىڭ قۇربانى بولعان باستاما اياقسىز قالعان.

بۇگىندە ق ر پرەزيدەنتى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا كورسەتىلگەن مىندەتتەردىڭ ءبىرى − لاتىن ارىپىنە كوشۋدىڭ تيىمدىلىگىن ءوز بايانداماسىندا ءتۇسىندىرىپ بەردى. سونىمەن قاتار، بەلگىلى جۋرناليست-جۇرگىزۋشى، «جەتىسۋ» تەلەارناسىنىڭ ديرەكتورى بەيسەن قۇرانبەك پەن اتالعان ارنانىڭ «جاڭالىقتار» قىزمەتىنىڭ جەتەكشىسى ەسبولات ايدابوسىن «QazTalks» الاڭىنا شىقتى.

سپيكەرلەر اقپاراتتىق كەڭىستىكتەگى جاڭا كوممۋنيكاسيالار تۋرالى ءوز تاجىريبە-يدەيالارىمەن ءبولىستى.