بۇگىن الماتىداعى بايتۇرسىن ۇلى مۋزەي-ۇيىندە احمەت بايتۇرسىن ۇلىنىڭ ءوزى تۇرعان مۋزەيگە اينالعان ءۇي تۋرالى كىتاپتىڭ تۇساۋى كەسىلدى، دەپ جازادى Qamshy.kz

كىتاپتىڭ تۇساۋ كەسەرىنە احمەت بايتۇرسىن ۇلىنىڭ جيەن نەمەرەسى ايمان بايسالوۆا، احمەت بايتۇرسىنۇلىن العاشقى بولىپ زەرتتەۋشىلەردىڭ ءبىرى احمەتتانۋشى امانقوس مەكتەپتەگى، تۇساۋى كەسىلگەن كىتاپقا رەداكتورلىق ەتكەن، م.و.اۋەزوۆ اتىنداعى ادەبيەت جانە ونەر ينستيتۋتىنىڭ اعا عىلىمي قىزمەتكەرى گۇلجاھان وردا جانە ادەبيەت سۇيەر قاۋىم مەن ستۋدەنتتەر، ءال-فارابي اتىنداعى قازۇۋ وقىتۋشىلارى كەلدى.

كىتاپ اۆتورى 20 جىلىن مۋزەيگە ارناعان رايحان يماحانبەت. كىتاپ 4 بولىمنەن تۇرادى. وندا مۋزەي-ۇيدىڭ تاريحى مەن مۋزەي رەتىندە بەكىتۋلى، مۋزەيگە اينالعان 24 جىلداعى قيىندىقتارى مەن قىمبات ەستەلىكتەرى جازىلعان. كىتاپ الماتى قالاسى اكىمدىگىنىڭ قولداۋىمەن باسىلىپ شىقتى. جاۋپتى رەداكتورى «ۇلت بولمىسى» جۋرنالىنىڭ باس رەداكتورى گۇلجانار امانتاي قىزى.

تۇساۋكەسەرگە كەلۋشىلەر كىتاپ اۆتورى ءارى مۋزەيدىڭ ديرەكتورى رايحان ساحىبەكقىزىنا «ءىرى مەملەكەت قايراتكەرى تۇرعان ءۇيدى كوزىنىڭ قاراشىعىنداي قورعاپ كەلە جاتقانى ءۇشىن زور العىستارىن ءبىلدىردى.

احمەت بايتۇرسىن ۇلى مۇراجايىنىڭ العاش ۇيىمداستىرىلۋى — 1993 جىلدىڭ 09-قىركۇيەگى. ەسكە سالا كەتەتىن بولساق، جاقىندا عانا احمەت بايتۇرسىن ۇلى مۇراجايى الماتى قالاسى بويىنشا كيەلى ورىندار تىزىمىنە ەنگەن بولاتىن. مۋزەي ورنالاسقان كوشەگە 1998 جىلى بايتۇرسىن ۇلى اتى بەرىلگەن.