باتىس قازاقستان وبلىستىق كوپ بەيىندى بالالار اۋرۋحاناسى 1997 جىلى وبلىستىق دەنساۋلىق ساقتاۋ باسقارماسىنىڭ بۇيرىعىمەن العاش 65 توسەك-ورىنعا ارنالعان بالالار حيرۋرگياسى ءبولىمى بولىپ اشىلسا، ونىڭ 20-سى لور ءبولىمىنىڭ ناۋقاستارىنا ارنالعان ەدى.
سول جىلدارى باتىس قازاقستان وبلىستىق بالالار اۋرۋحاناسىنىڭ باسشىسى بولعان ق.يرمەنوۆ، ءبولىم مەڭگەرۋشىسى قىزمەتىن اتقارعان دارىگەر-حيرۋرگ ۆ.حاركين، دارىگەر تراۆماتولوگ-ورتوپەد م.جۋمابايەۆ، دارىگەر-حيرۋرگ ا.گەحمان، حيرۋرگ-ينتەرن ا.تولەگەنوۆ، لور دارىگەرلەر ت.نۇرىشيەۆ پەن ج.ايباتۋللين، دارىگەر انەستەزيولوگ-رەانيماتولوگتەر ە.توقسانوۆ، ن.كيم، ج.يمانعالييەۆ جانە العاشقى وپەراسيالىق مەيىربيكەلەر ن.بوندارەنكو، ن.جيۆوگلياد سەكىلدى ماماندار بۇلدىرشىندەردىڭ دەنساۋلىعىن ساقتاۋدا ايانباي ەڭبەك ەتكەن. باستاماسىندا جوسپارلى حيرۋرگيالىق كومەك كورسەتىلگەن. 1998 جىلى تراۆمپۋنكت اشىلعاننان كەيىن، وبلىس بالالارىنا تاۋلىك بويى شۇعىل كومەك كورسەتىلە باستاعان. كەيىن بالالار ۋرولوگى ر.اجعالييەۆ، بالالار حيرۋرگى س.بورامبايەۆا جانە گ.ەليايەۆالار جۇمىسقا الىندى. وبلىستىڭ دارىگەر-حيرۋرگتەرى يۋ. حۆان، ن. كليمەنكو، س. جيدەبايەۆ، س.حايرەكەشيەۆتەر وبلىستىق بالالار اۋرۋحاناسى حيرۋرگيا ءبولىمىنىڭ قىزمەتىنە وزىندىك ۇلەستەرىن قوستى.
دارىگەرلەر مەن مەيىربيكەلەردىڭ بارلىعىندا دەرلىك جوعارعى جانە ءبىرىنشى ساناتتارى بار. ولاردىڭ التىن قولدارىنىڭ ارقاسىندا مىڭداعان پاسيەنتتەر وڭالىپ، ونداعان، جۇزدەگەن بالالاردىڭ ءومىرى امان ساقتالىپ قالدى. ۇستازدار مەن جاڭادان قابىلدانعان جاس ماماندار اراسىندا ۇرپاقتار ساباقتاستىعى جالعاسىپ تا كەلەدى. قازىرگى كەزدە حيرۋرگيا جانە تراۆماتولوگيا بولىمىندە بولاشاعىنان ۇلكەن ءۇمىت كۇتتىرەتىن جاس ماماندار جۇمىس جاسايدى.
ەلباسىنىڭ «100 مەكتەپ، 100 اۋرۋحانا» باعدارلاماسى اياسىندا سالىنىپ، قولدانىسقا بەرىلگەن كوپ بەيىندى وبلىستىق بالالار اۋرۋحاناسى ءقازىر مامانداندىرىلعان، زاماناۋي قۇرال-جابدىقتارمەن (لاپاراسكوپيالىق باعان، «ەربا» ەلەكترحيرۋرگيالىق قوندىرعىسى، جاڭا تۋىلعان نارەستەلەرگە ارنالعان وتا جاساۋ ۇستەلى، اتراۆماتيكالىق تىگۋگە ارنالعان ماتەريالى جانە قۋاتتى وتا جاساۋ زالدارى) تولىق قامتاماسىز ەتىلگەن مەديسينالىق ۇيىم بولىپ تابىلادى. كوپ بەيىندى وبلىستىق بالالار اۋرۋحاناسىنىڭ تاجىريبەلى دارىگەر-حيرۋرگتەرى جاڭا تۋىلعان نارەستەلەر حيرۋرگياسى، بالالار ۋرولوگياسى، تراۆماتولوگيا-ورتوپەدياسى بويىنشا جوعارى مامانداندىرىلعان مەديسينالىق كومەك كورسەتۋدە. وتا جاساۋدىڭ جاڭا ادىس-تاسىلدەرى (ەندوسكوپيالىق) ەنگىزىلىپ قولدانىلۋدا، كومبۋستيولوگيادا ەركىن كەسىندىلى اۋتودەرموپلاستيكا جاسالادى، تراۆماتولوگيادا بالالارداعى بەيككەر سارىسۋلى ىسىگىن پۋنكسيالىق ەمدەۋدىڭ جاڭا ءتاسىلى ارقىلى ەمدەيدى. دارىگەرلەر «بولاشاق» باعدارلاماسىمەن وڭتۇستىك كورەيادا، سونداي-اق استانا، الماتى، اقتوبە قالالارىندا وقىتىلۋدا.
گۇلىم اقاپ،
باتىس قازاقستان وبلىسى
پىكىر قالدىرۋ