بۇگىن الماتى قالاسىندا «مەنىڭ ەڭ العاشقى جۇمىس ورنىم» اتتى جوبا ءوز مارەسىنە جەتتى، دەپ حابارلايدى Qamshy.kz اقپارات اگەنتتىگى.

Elite كادر حولدينگى ءتورت جىل قاتارىنان «جىلدىڭ ەڭ ۇزدىك ستۋدەنتتەرى» بايقاۋىمەن ۇسىنىلعان «مەنىڭ العاشقى جۇمىس ورنىم» اتتى جوباسىن وتكىزدى. 20 جىل ىشىندە كومپانيا جۇمىسپەن قامتۋ سالاسىندا ۇلكەن تاجىريبە جيناقتاعان. حولدينگ باسشىلىعىنىڭ ايتۋىنشا، جيناقتالعان ءبىلىمدى قولدانۋعا، مانساپقا جەتۋدە جاستاردىڭ ساۋاتتىلىعىن ارتىرۋعا، ءار جاسقا قىزىقتى دا بولاشاعى بار جۇمىستى الۋعا بىردەي مۇمكىندىك بەرۋگە بارىنشا كۇش جۇمىلدىرماق نيەتتە ەكەن.

ۇلكەن تانىمالدىلىق ارقاسىندا بايقاۋ 2017 جىلى رەسپۋبليكالىق دەڭگەيگە شىعىپ، قاتىسۋشىلاردىڭ سانى 2000 ادامعا دەيىن جەتكەن. كومپانيا باسشىلارى مەن قوعام قايراتكەرلەرى ساراپشىلار بولىپ، بايقاۋعا قاتىسۋشىلاردىڭ جۇمىستارىن باعالاپ، جۇلدەلى ورىنعا يە بولۋشىلاردى انىقتاعان.

قاتاڭ جانە وبەكتيۆتى باعالار ارقاسىندا اقتىق مارەگە جاستاردىڭ ەڭ ۇزدىكتەرى شىققان. الەۋمەتتىك، قوعامدىق قىزمەتتە جانە وقۋدا ۇزدىك كورسەتكىشتەر كورسەتكەندەرى، سونىمەن قاتار، قازاقستان رەسپۋبليكاسىنىڭ جاستار قوزعالىسىنا ەڭبەك سىڭىرگەن ەڭبەكتەرى ءۇشىن بايقاۋدىڭ جەڭىمپازدارى بولىپ قۇقىلى تۇردە قازاقستان رەسپۋبليكاسىنىڭ ماقتانىشى مەن يگىلىگى بولىپ سانالاتىن 127 ستۋدەنت اتالدى.

«مەنىڭ ەڭ العاشقى جۇمىس ورنىم» اتتى جوبا جەڭىمپازدارىنىڭ ءبىرى ءال-فارابي اتىنداعى قازۇۋ-دىڭ مەحانيكا جانە ماتەماتيكا فاكۋلتەتىندەگى ماتەماتيكا ماماندىعىنىڭ 3ء-شى كۋرس ستۋدەنتى الىمبەك ءاليما ەدىل قىزى اتالمىش جوبانىڭ بۇگىنگى تاڭدا جاستارعا كوپتەگەن مۇمكىنشىلىكتەر بەرىپ، ستۋدەنتتەردى قولداۋعا باعىتتالعان بىردەن-بىر جوبا دەپ اتادى.

«بۇل بايقاۋعا ەكىنشى كۋرستى بىتىرۋگە تاياپ قالعان كەزدە قاتىسقان بولاتىنمىن. بايقاۋدىڭ شارتتارى بويىنشا ءاربىر ستۋدەنت باستاپقىدا ساۋالنامانى تولتىرعاننان كەيىن، فينالعا وتەدى. فينالدا ۇسىنىلعان التى تاقىرىپتاردىڭ بىرىنە ەسسە جازىپ وتكىزۋى ءتيىس. مەنىڭ تاڭداعان تاقىرىبىم – «ءسىزدىڭ ماماندىعىڭىز». بۇل تاقىرىپتا جازىلعان ەسسەدە ءوزىڭنىڭ تاڭداعان ماماندىعىڭدى، ونى نە ءۇشىن تاڭدادى جانە ونىڭ بولاشاقتا جۇمىسقا ورنالاسۋعا تيگىزەر سەپتىگى جايىندا ايتىپ ءوتۋ قاجەت. بۇل تاقىرىپتى تاڭداعان سەبەبىم – مەنىڭ ماماندىعىم ەرەكشە بولىپ تابىلادى، سوندىقتان دا بۇل ماماندىق جايىندا جازىلعان ەسسە وزگەلەرگە قىزىقتى بولاتىندىعىنا سەندىم. كوپتەگەن تالاپكەرلەر بۇل ماماندىقتى تاڭداي بەرمەيدى، ويتكەنى قيىن، الايدا ماماندىعىم وزىمە ۇنايدى»، - دەيدى بايقاۋ جەڭىمپازى.

ءاليما ەدىل قىزى ءوزىنىڭ ەسسەسىن اعىلشىن تىلىندە جازىپ تاپسىرعان، ونىڭ بايقاۋدا جەڭىسكە جەتۋىنە بىردەن-بىر سەپتىگىن تيگىزگەندىگى دە سودان بولار.

«مەن ءوزىمنىڭ ەسسەمدى اعىلشىن تىلىندە جازىپ وتكىزدىم. ونى شەتەل ۋنيۆەرسيتەتتەرىنىڭ مۇعالىمدەرى جانە دە ءوزىمىزدىڭ جۇمىس بەرۋشىلەر مەن ساراپشىلار تەكسەرگەن بولاتىن. ەسسەنى جازىپ وتكىزگەننەن سوڭ، ونىڭ وزىندىك تالاپتارى بار، سول بويىنشا ونى 125 باللدىق شكالا بويىنشا باعالايدى. سونىڭ ىشىندە مەنىڭ جازعان ەسسەم 120 بالل كولەمىندە جيناعان»، - دەيدى ءاليما ەدىل قىزى.

ايتا كەتەر بولساق، «مەنىڭ ەڭ العاشقى جۇمىس ورنىم» جوباسى كوپتەگەن اتاقتى ۇلتتىق جانە حالىقارالىق كومپانيالاردان قولداۋ تاۋىپ، بيىل ءتورتىنشى رەت وتكىزىلۋدە. جوباعا اتسالىسقان ساراپشىلاردىڭ اراسىندا رەسپۋبليكامىزدىڭ ازاماتتارى عانا ەمەس، وزگە مەملەكەتتىڭ دە وكىلدەرى، الەمگە بەلگىلى الدىڭعى قاتارلى جوو-نىڭ وقىتۋشىلارى دا بار.

قازاقستاندا بىتىرۋشىلەر مەن جاس ماماندارعا جۇمىس، تاجىريبە مەن تاعىلىمدامانى تاڭداۋعا مۇمكىندىك بەرەتىن رەسۋرستاردى www.youngstaff.kz سايتىنان كورۋگە بولادى. بۇگىندە اتالمىش سايتتى پايدالانۋشىلاردىڭ سانى كۇن ساناپ ارتۋدا، ال اتاقتى neupusti.net اقپاراتتىق پورتالىمەن جاسالعان سەرىكتەستىك ارقاسىندا جاس مامانداردىڭ كوپشىلىگى وزدەرىنە جۇمىس ىزدەپ تابا الادى.