بۇگىن اقوردادا ەلباسى نۇرسۇلتان نازاربايەۆ لاتىن قارپىنە نەگىزدەلگەن قازاق ءالىپبيىنىڭ سوڭعى جوباسىن بەكىتۋ تۋرالى جارلىق دايىنداۋعا تاپسىرما بەردى. وسى ورايدا ق ر پارلامەنتى ءماجىلىسىنىڭ دەپۋتاتى، «اق جول» پارتياسىنىڭ جەتەكشىسى ازات پەرۋاشيەۆ اتالعان ماسەلەگە قاتىستى پىكىر ءبىلدىردى، دەپ Qamshy.kz اقپارات اگەنتتىگى Baq.kz-كە سىلتەمە جاساپ حابارلايدى.

«بۇگىن ەلباسى نۇرسۇلتان نازاربايەۆتىڭ لاتىن ءالىپبيىن قابىلداۋ تۋرالى جارلىق دايىنداۋعا تاپسىرما بەرگەنىن جاڭالىقتاردان ءبىلدىم. قازاق ءتىلىنىڭ لاتىن الىپبيىنە كوشۋىن «اق جول» پارتياسى دا قولدايدى. بۇل ءبىزدىڭ پارتيامىز ءۇشىن ماڭىزدى ماسەلەلەردىڭ ءبىرى. اتالعان ماسەلە پارتيانىڭ ساياسي باعدارلاماسىندا 2007 جىلدان بەرى بولدى. سوندىقتان قازاق ءتىلىنىڭ لاتىن الىپبيىنە كوشۋ – وتە ورىندى، ونىڭ تاريحي ماڭىزى زور. سوندىقتان اتالعان باستامانى قولدايمىز»، - دەدى حالىق قالاۋلىسى.

وسى ورايدا ازات پەرۋاشيەۆ قازاق ءتىلىنىڭ لاتىن الىپبيىنە كوشۋى حالىق اراسىندا قىزۋ تالقىلانعانىن اتاپ ءوتتى.

«ەلباسىمىزدىڭ تاپسىرماسى بويىنشا جالپى لاتىن قارپىنە نەگىزدەلگەن قازاق ءالىپبيىنىڭ جوباسى حالىق اراسىندا قىزۋ تالقىلاندى. اتالعان جوباعا كەز كەلگەن ازامات ءوز پىكىرىن ايتۋعا، ۇسىنىسىن ەنگىزۋگە قۇقىعى بولدى. مەن دە وعان ءوز ۇسىنىسىمدى ايتتىم. باسقا دا مەنىڭ ارىپتەستەرىم كوميسسياعا ءوز ۇسىنىستارىن جەتكىزدى. وسىنداي وتكىر پىكىر الماسۋدان كەيىن قازاق ءتىلىنىڭ لاتىن الىپبيىندەگى ەكىنشى نۇسقاسى دايىندالدى. سوندىقتان ەلباسىمىزدىڭ لاتىن قارپىنە نەگىزدەلگەن قازاق ءالىپبيىنىڭ سوڭعى جوباسىن بەكىتۋ تۋرالى جارلىق دايىنداۋعا بەرگەن تاپسىرماسىن قولدايمىز»، - دەدى ول.

ءسوز سوڭىندا دەپۋتات لاتىن قارپىنە نەگىزدەلگەن قازاق ءالىپبيىنىڭ سوڭعى نۇسقاسى قولايلى ەكەنىن اتاپ ءوتتى.

«قازاق ءتىلىنىڭ لاتىن الىپبيىندەگى سوڭعى نۇسقاسىن بىرىنشىسىمەن سالىستىرساق، سوڭعىسى قولدانۋعا ىڭعايلى. ءبىراق ونىڭ اعىلشىن تىلىندەگى الىپبيدەن ايىرماشىلىعى بار. مىسالى، اعىلشىن تىلىندە «ج» - «zh»، «ش» - «sh» دەپ ەكى ارىپپەن جازىلادى. ال ءبىز ءبىر ارىپپەن جازاتىن بولدىق. ەندى وعان دا ۇيرەنەمىز. ەڭ باستىسى – قازاق ءتىلىنىڭ لاتىن الىپبيىندەگى سوڭعى نۇسقاسى تۇسىنىكتى»، - دەپ تۇيىندەدى ءسوزىن ازات پەرۋاشيەۆ.

داۋرەن ەربولات