الماتى اكىمى باۋىرجان بايبەك اۋلالاردى، قالانىڭ نجەنەرلىك جانە كولىك ينفرقۇرىلىمىن قايتا جاساۋ جۇمىستارىن تەكسەردى جانە №103 باعىتى بويىنشا جۇرە باستاعان «لياز» ماركالى تومەن ەدەندى جاڭا اۆتوبۋستاردى قاراپ شىقتى، دەپ حابارلايدى Qamshy.kz اقپارات اگەنتتىگى الماتى قالاسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.

الماتى اكىمى باۋىرجان بايبەك جۇمىس ساپارى بارىسىندا بوستاندىق اۋدانىنىڭ اۋلالارىن اباتتاندىرۋدىڭ بارىسىن تەكسەردى. اۋدان اكىمى بەكقالي تورعايەۆ بيىلعى جىلى 60 اۋلانى اباتتاندىرۋ جوسپارلانعانىن، اۋلا ىشىنە اسفالت، رەزينكا جانە كەسپە تاستار توسەلگەنىن، ورىندىقتار مەن ۋرنالار قويىلعانىن، جارىقتاندىرىلعانىن، سپورت جانە بالالار الاڭدارى جاسالعانىن ايتتى.

مەگاپوليس اكىمى بالالاردىڭ بويىنا سالاۋاتتى ءومىر سالتىنىڭ اۋلالاردان قالىپتاساتىندىعىن، سوندىقتان جارىعى بار سپورت الاڭدارى بولۋى ءتيىس ەكەندىگىن اتاپ ءوتتى.اباتتاندىرىلعان اۋلالار تۇرعىنداردى توپتاستىرا تۇسەدى.

الماتىدا بيىلعى جىلى سەگىز اۋداندا 472 جاڭا اۋلا الاڭدارى جاسالدى. قۇرىلىس جۇمىستارىنا سەرتيفيكاتتالعان جانە ءقاۋىپسىز ارحيتەكتۋرالىق كىشى پىشىندەر قولدانىلۋدا. 2016 جىلى قالادا 290 اۋلا اباتتاندىرىلعان بولاتىن، بۇل جۇمىس كەلەر جىلى دا جالعاسادى.

بۇلاردان وزگە،مەگاپوليس باشىسى جەلتوقسان كوشەسىنىڭ باتىس جاعىنان ساتپيەۆ كوشەسىنەن تومەن اۋماقتى جاياۋ جۇرگىنشىلەر ءۇشىن كەڭەيتۋدى تاپسىردى، سوندا كولىك تۇراعى تارىلادى. بۇل شارا كولىكتى تۇراققا قويۋدى رەتكە كەلتىرۋگە جانە وسى ۋاچسكەدە جۇرگىنشىلەر قاتارىن كوبەيتۋگە وڭ ىقپال ەتەتىن بولادى.

الماتى اكىمى باۋىرجان بايبەك بۇرىندارى №103 باعىتى بويىنشا جۇرە باستاعان «لياز» ماركالى تومەن ەدەندى اۆتوبۋستاردى دا قاراپ شىققان بولاتىن. بۇل باعىت بويىنشا قالا ساتىپ الاتىن 297 كولىكتىڭ العاشقى 20 اۆتوبۋسى جۇرە باستادى.

ەۆرو-5 ستاندارتىنداعى 12 مەترلىك اۆتوبۋستار ەكولوگيالىق جاعىنان تازا، سىيىمدىلىعى 108 ادام، كونديسيونەرلەرمەن، كامەرالارمەن، ۆيدەباقىلاۋمەن، پاندۋستارمەن قامتاماسىز ەتىلگەن. قالعان اۆتوبۋستار بيىلعى جىلدىڭ جەلتوقسان ايىندا دەيىن كەزەڭمەن كەلەدى.

بۇدان وزگەو، «Green bus company» ج ش س Yutong ماركالى 50 جاڭا اۆتوبۋستار الدى، ولار №50،112،126 باعىتتارى بويىنشا ساپالى قىزمەت كورسەتەدى..

باسقا جەكە تاسىمالداۋشىلار بىرنەشە اي ىشىندە سىيىمدىلىعى ءارتۇرلى 254 اۆتوبۋس الۋدى جوسپارلاپ وتىر.