استانادا «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ ماقساتىندا ۇستازدار مەن ستۋدەنتتەرگە لاتىن عارپىنە ءوتۋدىڭ تيىمدىلىگى ءتۇسىندىرىلدى، دەپ حابارلايدى Qamshy.kz اقپارات اگەنتتىگى استانا قالاسى اكىمدىگىنىڭ مەديا ورتالىعىنا سىلتەمە بەرىپ.

استانا قالاسى ىشكى ساياسات باسقارماسىننىڭ قولداۋىمەن ەلباسىننىڭ «بولاشاققا باعدار: رۋحاني جاڭعىرۋ» اتتى ماقالاسىنىڭ نەگىزگى قاعيدالارى بويىنشا ءاقپاراتتىق-تۇسىندىرۋ جۇمىستارىن ۇيىمداستىرۋ نەگىزىندە «قازاق ءتىلىنىڭ لاتىن الىپبيىنە ءوتۋدىڭ دامۋ بولاشاعى» اتتى دوڭگەلەك ۇستەل ءوتتى.

«لاتىن گرافيكاسىنا ءوتۋ زامان تالابى. كوپشىلىك وسى ماسەلەنى تالقىلاپ، عالىمداردىڭ ەڭبەكتەرىنە سۇيەنە وتىرىپ جۇزەگە اسىرۋىمىز كەرەك. ءبىراق ول قازاق ءتىلىنىڭ ىشكى تابيعاتىنا، قازاق ءتىلىنىڭ اۋەزدىلىگىنە، ەرەكشەلىگىنە زيانىن تيگىزبەۋى كەرەك. جانە دە اسىعىپ، اپتىعاتىن ءىس ەمەس. ەلباسى ايتقانداي قوعامنىڭ تالقىسىنا سالىپ، جۇرتشىلىقپەن اقىلداسا وتىرىپ جاسالىپ وتىرعان ءىس. ەڭ باستىسى لاتىن گرافيكاسى مەملەكەتتىك ءتىل مەن قازاق ءتىلى دەگەن ۇعىمداردى تەنەستىرىپ، بىردەيلىككە وتۋگە نەگىز بولۋى كەرەك»، - دەپ اتاپ ءوتتى ل.گۋميليەۆ اتىنداعى ەۋرازيا ۇلتتىق ۋنيۆەرسيتەتى «قازاق ادەبيەتى» كافەدراسىنىڭ دوسەنتى، فيلولوگيا عىلىمدارىنىڭ كانديداتى ومار جالەل.

شارا ماقساتى ەلباسى ماقالاسىننىڭ نەگىزگى تۇجىرىمدارى بويىنشا حالىق اراسىندا ۋاقىتىلى جانە كەشەندى ءاقپاراتتىق-تۇسىندىرۋ جۇمىستارىن جۇرگىزۋ. قازاق ءتىلىنىڭ لاتىن الىپبيىنە ءوتۋىنىڭ دامۋ بولاشاعى جانە جاڭا گرافيكاداعى ءبىرىڭعاي قالىپ ۇلگىسىن تانىستىرۋ.