الماتى قالاسىنىڭ وڭىرلىك كوممۋنيكسيالار قىزمەتىندە وتكەن بريفينگ بارىسىندا الماتى قالاسى قوعامدىق دەنساۋلىق ساقتاۋ دەپارتامەنتىنىڭ باسشىسى ايزات مولداعاسيموۆا ساراپتاما قورىتىندىسى بويىنشا 264 سىناما (10،1%) قولدانىستاعى زاڭنامانىڭ تالاپتارىنا ساي كەلمەيتىندىگىن ايتتى.

ولار:

- تاماق ونىمدەرى – 2048 سىنامانىڭ 213ء-ى (10،4%)،

- بالالارعا ارنالعان تاۋارلار - 84 سىنامانىڭ 16-سى (19%)؛

- ويىنشىقتار - 81 سىنامانىڭ 17ء-ى (21%)؛

- حيميالىق، مۇناي-حيميا جانە تۇرمىستىق بۇيىمدار – 127 سىنامانىڭ 6-ى (4،7%)؛

- جەڭىل ونەركاسىپ ونىمدەرى – 20 سىنامانىڭ 8ء-ى (40،0%)

ازىق-تۇلىك ونىمدەرىنىڭ (بوتەلكەدەگى قۇيىلمالى سۋ، نان-توقاش ونىمدەرى، الكوگولسىز سۋسىندار)، پارفيۋمەريا مەن كوسمەتيكا، باسپا ونىمدەرىنىڭ جەكەلەگەن تۇرلەرىنە جۇرگىزىلگەن ساراپتاما ناتيجەلەرى سايكەس كەلمەۋلەردى انىقتاعان جوق.

سايكەس كەلمەيتىن ونىمدەر كەلەسى ساۋدا الاڭدارىندا ساتىلدى: «الما رس» ج ش س، مىرزابەكوۆ جك «نۇرلى» دۇكەنى، «سنەت-يات مينيسو» دۇكەنى، «گەرمەس ترەيد» ج ش س، «رەاليست» دۇكەنى، «حان ءتاڭىرى» دۇكەنى «الما» جك، سۋپەرماركەت «نازەرە» مۋسايەۆ ا. جك، «MINISO» دۇكەنى، «DAEHO» دۇكەنى ج ش س، «باحتيار» شاعىنماركەتى جانە ت.ب.

– ىشكى ءوندىرىس ونىمدەرى سايكەس ەمەستىگى بويىنشا العاشقى قاتاردا كەلەدى، ناقتىراق ايتقاندا 12،8% پايىز كورسەتكىشتى جانە 3 شەت ەلدىك ءوندىرىس 11،1% پايىز كورسەتكىشتى قۇرادى. بۇزۋشىلىقتاردىڭ ەڭ كوپ كورسەتكىشى تاڭبالاۋدىڭ سايكەس كەلمەۋىنە – 72% (2016 جىلى 67%)، ميكروبيولوگيالىق كورسەتكىشتەركە سايكەس كەلمەۋى بويىنشا 30% وتكەن جىلمەن سالىستىرعاندا 31% تەڭ، – دەپ حابارلادى ايزات مولداعاسيموۆا.