پاراسەتامول ءدارىسىن ادامدار كوبىنە باس اۋرۋىنا شيپا بولسىن دەپ ىشەدى. دەنەدەگى قىزۋدى تومەندەتەتىن اسەرى تاعى بار. الايدا ءبىر اۋرۋعا ەم بولعان ءدارىنىڭ اعزانىڭ وزگە تۇسىنا زيان ەكەنى انىقتالدى، دەپ جازادى Qamshy.kz اقپارات اگەنتتىگى.

امەريكا عالىمدارى وسىعان وراي زەرتتەۋ جاساپ كوردى. تاجىريبەگە 18 جاستان اسقان 455 ادام ءوز ەركىمەن قاتىستى. سونىمەن قوسا، 1880 ەۋروپالىق ەگىزدەر مەن 1235 افروامەريكا جانە يسپان تۇقىمدارىنىڭ ارحيۆ قۇجاتتارى قارالدى.

ماماندار پاراسەتامول ءدارىسىن ءجيى پايدالانعان  ەمدەلۋشىلەردىڭ اعزاسىنان بەدەۋلىكتى بايقاعان. ءدارىنىڭ دەنساۋلىققا كەرى اسەرى – جىنىستىق مۇشەگە اسەر ەتىپ، ناتيجەسىندە بەدەۋلىككە شالدىقتىرادى. ال اياعى اۋىر ايەلدەر بۇل ءدارىنى قابىلداسا، ەمبريوننىڭ جۇيكە جۇيەسىنىڭ دامۋىندا ماسەلە تۋىنداۋى ىقتيمال.