نازاربايەۆ زياتكەرلىك مەكتەبىنە  قابىلداۋ ءۇشىن ۇسىنىلعان نۇسقاۋلىقتا قازاقستاندىق رەپەر MC سايلۋبەك تۋرالى جاريالانعان ءماتىن جۇرتتى دۇرلىكتىرگەن بولاتىن.  ول ءوزى تۋرالى اقپاراتتىڭ وقۋ ماتەريالىندا جازىلعانىنا قارسى بولعانداردىڭ پىكىرىنە ءمان بەرمەيتىندىگىن ايتتى، دەپ Qamshy.kz اقپارات اگەنتتىگى Today.kz مالىمەتىنە سۇيەنە وتىرىپ جازادى. 

مس سايلاۋبەك كىتاپشا تۋرالى پىكىرتالاستى الەۋمەتتىك جەلىدەن بىلگەنىن ايتادى.

«وزگەلەردىڭ پىكىرىنە ءمان بەرمەيمىن. قارالايتىندار مەن قاسكويلەر وتە كوپ، ءبىراق ولاردىڭ پىكىرىنە تۇكىرگەنىم بار. ءبىراق ماعان قولداۋ كورسەتكەندەرگە العىسىم شەكسىز. وقۋلىقتا مەن تۋرالى جازىلعانىنا قۋانىشتىمىن. كىتاپتى وقيتىن جاستاعى جاستار مەنىڭ تىڭدارماندارىم»، دەيدى سايلاۋبەك.

رەپەردىڭ پروديۋسەرى اسلان باحىتجانوۆ وقۋلىقتا ايتىلعان سايلاۋبەككە قارسى پىكىرلەر جونىندە الاڭدايتىنىن جانە مس سايلاۋبەكتىڭ كىتاپشادا اتى اتالعاندىعى دۇرىس بولعانىن ايتادى. «سايلاۋبەكتىڭ ەسىمى باق-تا اتالىپ جۇرگەنى جاقسى. ويتكەنى 2017 جىلى ءبىز تۋرالى ەشقانداي جاڭالىق بولماعان. ال ەندى سايلاۋبەكتى تاعى دا ايتا باستادى. ونى سىناۋشىلار 2015 جىلدىڭ باسىندا كوپ ەدى»،- دەدى ول.

سايلاۋبەك 2018 جىلعا كەرەمەت جوسپار قۇرعان. «2018 جىلى ۇيلەنەتىن ويىم بار. بۇل مەنىڭ ارمانىم. كەلىنشەكتەر كوپ بولعانمەن، قايسىسىن تاڭدارىمدى ءالى بىلمەيمىن. نۇكتە قويىلعان جوق، تەك ۇتىرلەر عانا. مەنى قاتتىراق سۇيەتىن ايەلگە ۇيلەنەم، سەبەبى ءبىز ۇزاق ۋاقىت بىرگە ءومىر ءسۇرۋىمىز كەرەك. ماعان تۇرمىسقا شىققىسى كەلەتىن كەلىنشەكتەردىڭ سانى جەتەۋ، ولاردىڭ جاستارى 20 مەن 35 جاستار شاماسىندا. مەنىڭ جاسىم 40-تا. جۇرتقا تانىمال بولماي تۇرعاندا مەنى ۇناتاتىن ايەلدەر بولمادى، ال ءقازىر مىنە بار» دەدى رەپەر.

سايلاۋبەك قىتايدا بەينەكليپ تۇسىرەتىندىگىن ايتتى. «اۋەنىن ءوزىم جازدىم. ءان مەنىڭ ءوز تىلىمدە بولادى»، دەدى ول.