اقتاۋ پوليسياسى جەزوكشەلىكپەن اينالىساتىن قىزداردىڭ ءوز جۇمىستارى جايلى مويىنداعان ۆيدەوسىن تۋىستارىنا جىبەرۋدى جوسپارلاپ وتىر. بۇل جايىندا Lada.kz جازادى.

جەزوكشەلىكپەن اينالىساتىنىن مويىنداعان ۆيدەونىڭ كوشىرمەسىن جەزوكشە قىزداردىڭ تۋىستارىنا جىبەرىلەتىن  حاتپەن قوسا جىبەرمەك.

رەيد بارىسىندا اقتاۋ پوليسياسى التى «تۇنگى كوبەلەكتى» قولعا تۇسىرگەن. ونىڭ ۇشەۋى اقتاۋدىڭ №4 ۇيىندە ۇستالعان، ال قالعانى جالدامالى پاتەردە قولعا تۇسكەن.

قولعا تۇسكەن قىزدارعا بەس ايلىق كورسەتكىش بويىنشا ايىپپۇل سالىندى – 12 025 تەڭگە.

اقتاۋدىڭ ىشكى ىستەر باسقارماسى باسشىسىنىڭ ورىنباسارى  ابدۋاتوۆتىڭ ايتۋىنشا، اقتاۋدا قولعا تۇسەتىن جەزوكشەلەردىڭ باسىم بولىگى وقو، اقتوبە وبلىسى جانە قىزىلوردادان كەلگەن.

-ولار وزدەرىنىڭ جۇمىسسىزدىعىن العا تارتادى. كوپشىلىگىنىڭ اتا-اناسى قىزدارىنىڭ بۇل ىسپەن اينالىساتىنىن بىلمەيدى، - دەيدى ابدۋاتوۆ.

ال اتالعان ىسكە پاتەر جالداۋعا بەرگەن پاتەر يەلەرى دە جازاسىز قالمايدى.