ارۋجان ساين وقو-داعى سارىاعاش اۋدانى اباي اۋىلىنىڭ جەتى جاستاعى تۇرعىنىنا قاتىستى وتكەن كونفەرەنسيادا كەشە بالانىڭ اناسىمەن سويلەسكەنىن ايتتى، دەپ حابارلايدى Qamshy.kz اقپارات اگەنتتىگى.
ارۋجان سايننىڭ مالىمەتىنشە، بالانىڭ اناسى كەشە جەلىگە تاراعان بالانىڭ اجەسىنىڭ العىس ايتقان ۆيدەوسىنا سەنبەيتىنىن ايتقان.
-كەشە بالانىڭ اناسىمەن كەزدەستىم. زاڭگەردە بولدى. ايەل ءبىزدىڭ كوزىمىزشە بالانىڭ اجەسىنە قوڭىراۋ شالدى. الايدا ونىڭ تەلەفونى ءوشىرىلىپ تۇردى. ايەل كەشە جەلىدە تاراعان ۆيدەوعا سەنبەيتىنىن ايتتى، - دەيدى ارۋجان ساين.
قايىرىمدىلىق قورىنىڭ باسشىسى بالانىڭ اناسى - وتباسىنىڭ جالعىز اسىراۋشىسى ەكەنىن جانە وتباسىندا مۇمكىندىگى شەكتەۋلى ادام بار ەكەنىن ايتقان.
ارۋجان سايننىڭ جۋرناليستەرگە بەرگەن مالىمەتىنە سايكەس، بالانىڭ اناسى ءقازىر استاناعا بارا جاتقانىن ايتقان.
ەستەرىڭىزگە سالا كەتەيىك، كەشە زورلاندى دەگەن بالانىڭ اجەسىنىڭ حالىققا، اكىمدەرگە، زاعيپا بالييەۆاعا العىس ايتقان ۆيدەوسى Youtube جەلىسىندە جاريالانعان. بىرنەشە ساعاتتان كەيىن ۆيدەو جەلىدەن وشىرىلگەن.
