باقىتجان ساعىنتايەۆ بۇگىن «نۇرلى جەر» مەملەكەتتىك باعدارلاماسى اياسىندا سالىنىپ جاتقان  «Shymkent City» تۇرعىن الابىنا باردى، سونداي-اق پرەزيدەنتتىڭ «ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» ءبىرىنشى الەۋمەتتىك باستاماسىن ورىنداۋ جوسپارىمەن تانىستى.

نىساندى تەكسەرۋ بارىسىندا ق ر پرەمەر-مينيسترى باقىتجان ساعىنتايەۆقا «Shymkent سity» تۇرعىن ءۇي كەشەنى 56 مىڭ تۇرعىنعا ارناپ سالىنىپ جاتقانى ايتىلدى. 427 گا اۋماقتا 2025 جىلعا دەيىن 324 تۇرعىن ءۇي، 7 مەكتەپ جانە 21 بالاباقشا سالىنادى.

جالپى العاندا، «نۇرلى جەر» باعدارلاماسى اياسىندا 2018 جىلى 7 665 پاتەردى تاپسىرۋ كوزدەلگەن. بۇگىنگى تاڭدا وبلىستا 277 كوپقاباتتى تۇرعىن ءۇي (13 009 پاتەر) سالىنىپ جاتىر. جىل سوڭىندا 129 ءۇي (4 582 پاتەر) پايدالانۋعا بەرىلەدى.

ءوز كەزەگىندە «بازيس-ا» كورپوراسياسىنىڭ وكىلى ا. ءومىرزاقوۆ الەۋمەتتىك نىسانداردىڭ قۇرىلىسى تۋرالى ايتىپ بەردى: 8 مىڭ ادام سىياتىن «شىمكەنت ارەنا» سپورت كەشەنى؛ سونداي-اق «كونگرەسس-ورتالىق»، وندا ءبىر مەزگىلدە 2 مىڭعا جۋىق ادام بوس ۋاقىتىن وتكىزە الادى. سونىمەن قاتار، «شىمكەنت» اكك ءتوراعاسى ا. الداجاروۆ وبلىس ورتالىعىندا جاڭا اۋەجاي تەرمينالىن سالۋ تۇجىرىمداماسىمەن تانىستىردى.