جىل سايىنعى جوو اراسىنداعى جۋرناليستەردىڭ Xرەسپۋبليكالىق ءپان وليمپياداسى 29-30 ناۋرىز ارالاعىندا ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە ءوتتى.
وليمپياداعا جالپى سانى 16 كوماندا قاتىستى. ەلىمىزدىڭ بەلدى وقۋ ورىندارىنان كەلگەن بولاشاق جۋرناليستەردىڭ ءبىلىمى مەن بىلىگىن انىقتاۋعا باعىتتالعان سايىس ەكى كەزەڭنەن تۇردى. قاتىسۋشىلار وليمپيادانىڭ العاشقى كۇنى تانىستىرۋ جانە ەسسە جازۋ بويىنشا ب ا ق سىندادى. وليمپيادا تاقىرىبى - قازاق تەليەۆيزياسىنىڭ 60 جىلدىعىنا وراي «تەلەديدار جانە ءداۋىر».
كوماندالارعا ءادىل باعا بەرۋگە ب ا ق سالاسىنىڭ مايتالماندارى جينالدى. ۋنيۆەرسيتەت ۇجىمى وليمپيادا قاتىسۋشىلارىنا قالانىڭ كورىكتى جەرلەرىن ارالاتتى. ستۋدەنتتەر قوناقتارعا ارناپ جىردان شاشۋ شاشىپ، كوڭىلدى كەش سىيلادى. سايىستىڭ ەكىنشى كۇنى ماماندىققا ارنالعان پاندەر بويىنشا تەست تاپسىرمالارى ورىندالدى. شەشۋشى جەدەل اقپارات كەزەڭىندە قاتىسۋشىلاردىڭ جۋرناليستكە ءتان جەدەلدىلىگى مەن ناقتىلىعى سىنالدى. وليمپيادا قورتىندىسى ەكى كەزەڭ بويىنشا انىقتالىپ، جەڭىمپازدار ماراپاتتالماق.
